दिल्ली : नाशिकचे खासदार हेमंत गोडसे यांच्या कारला दिल्लीत भीषण अपघात झाला आहे. या अपघातातून हेमंत गोढसे बचावले आहेत. राजधानी दिल्लीतील बीडी रोडवर हेमंत गोडसे यांच्या कारला अपघात झाला आहे. सुदैवाने या अपघातात हेमंत गोडसे यांना मोठी दुखापत झाली नसून त्यांच्या कारचं मोठं नुकसान झालं आहे. शासकीय निवासस्थानाजवळच कारला अपघात झाल्याची माहिती प्राथमिक माहिती आहे. अपघाताचं कारण अद्याप समोर आलेले नाही.
याबाबत मिळालेल्या अधिक माहितीनुसार, खासदार हेमंत गोडसे यांच्या राजधानी दिल्लीतील बी डी मार्गावर त्यांच्या कारला अपघात झाला. त्यांच्या कारचं मोठं नुकसान झालं आहे. अपघातात त्यांच्या कारचा अक्षरश: चक्काचूर झाला आहे. सुदैवाने हेमंत गोडसे यांना मोठी दुखापत झालेली नाही. या भीषण अपघातातून हेमंत गोडसे बचावले आहेत.
खासदार गोडसे दिल्लीतील त्यांच्या शासकीय निवासस्थानाहून बाहेर पडत होते. त्यावेळी त्यांच्या गाडीला पाठीमागून आर्टिका गाडीने जोरदार धडक दिली. यामध्ये हेमंत गोडसे यांच्या गाडीचं मोठ्या प्रमाणात नुकसान झालं. सुदैवानं या अपघातामध्ये कुणालाही मोठी दुखापत झाली नाही.
