नवी दिल्ली: तृणमूल काँग्रेसच्या नेत्या खासदार महुआ मोइत्रा यांनी वयाच्या 50 व्या वर्षी विवाह बंधनात अडकल्या आहेत. महुआ मोइत्रा यांनी जर्मनीमध्ये गुपचूपपणे विवाह केला असल्याची माहिती समोर आली आहे. त्या बिजू जनता दलाचे माजी खासदार पिनाकी मिश्रा यांच्यासोबत विवाहबद्ध झाल्या आहेत. या दोघांचा लग्नानंतरचा फोटो सोशल मिडियावर व्हायरल होत आहे.
‘द टेलिग्राफ’ने दिलेल्या वृत्तानुसार, खासदार महुआ आणि पिनाकी यांनी जर्मनीमध्ये मोजक्याच लोकांच्या उपस्थितीमध्ये विवाह केला. अद्याप मोइत्रा यांच्या विवाहाबाबत तृणमूल काँग्रेसकडून कोणतीही प्रतिक्रिया आलेली नाही. महुआ यांचे पूर्वी डॅनिश फायनान्सर लार्स ब्रॉर्सन यांच्याशी लग्न झाले होते, परंतु त्यांचे लग्न जास्त काळ टिकले नाही आणि त्यांचा घटस्फोट झाला होता.
महुआ यांचे पती पिनाकी मिश्रा कोण आहेत?
पिनाकी मिश्रा हे बिजू जनता दलाचे नेते व पुरीचे माजी खासदार आहेत. संगीता मिश्रा यांच्याशी पिनाकी यांचे पहिले लग्न झाले होते. या विवाहातून त्यांना २ मुलं आहेत. पिनाकी हे महुआ मोइत्रा यांच्यासोबत रिलेशनशिपमध्ये होते. अखेर ते जर्मनीमध्ये विवाह केला.
