नवी दिल्ली: केंद्र सरकारने बुधवारी मुस्लिम लीग जम्मू-काश्मीर-मसरत आलम गटावर बंदी घातली. सरकारने ही कारवाई बेकायदेशीर कृत्ये प्रतिबंध कायदा (UAPA) अंतर्गत केली आहे. संघटनेचे सदस्य जम्मू-काश्मीरमधील दहशतवादी कारवायांमध्ये सहभागी असून दहशतवादी गटांना पाठिंबा देत असल्याचा आरोप या संघटनेवर आहे. केंद्रीय गृहमंत्री अमित शहा यांनी सोशल मीडियाच्या माध्यमातून ही माहिती दिली.
त्यांनी सोशल मीडिया प्लॅटफॉर्मवर लिहिले “ही संघटना आणि तिचे सदस्य जम्मू आणि काश्मीरमध्ये देशविरोधी आणि फुटीरतावादी कारवायांमध्ये गुंतलेले आहेत. दहशतवादी कारवायांचे समर्थन करतात. जम्मू आणि काश्मीरमध्ये इस्लामिक राज्य स्थापन करण्यासाठी लोकांना प्रवृत्त करण्याचा प्रयत्न करतात.”
The ‘Muslim League Jammu Kashmir (Masarat Alam faction)’/MLJK-MA is declared as an ‘Unlawful Association’ under UAPA.
This organization and its members are involved in anti-national and secessionist activities in J&K supporting terrorist activities and inciting people to…
— Amit Shah (@AmitShah) December 27, 2023
गृहमंत्री पुढे म्हणाले, “पंतप्रधान नरेंद्र मोदी सरकारचा संदेश मोठा आणि स्पष्ट आहे की, आपल्या देशाची एकता, सार्वभौमत्व आणि अखंडतेच्या विरोधात काम करणाऱ्या कोणालाही सोडले जाणार नाही आणि कडक कारवाईला सामोरे जावे लागेल.”
