नवी दिल्ली: पश्चिम बंगालच्या मुख्यमंत्री आणि तृणमूल काँग्रेस (TMC) अध्यक्षा ममता बॅनर्जी राम मंदिर प्राणप्रतिष्ठा कार्यक्रमाला उपस्थित राहणार नाहीत. पीटीआय या वृत्तसंस्थेने सूत्रांच्या हवाल्याने ही माहिती दिली आहे.
याआधी माकपचे सरचिटणीस सीताराम येचुरी यांनीही कार्यक्रमाला येण्यास नकार दिला होता. बुधवारी (27 डिसेंबर) एक निवेदन जारी करताना ते म्हणाले, “माकपचे धोरण धार्मिक श्रद्धांचा आदर करण्याचे आहे. धर्म ही वैयक्तिक निवड आहे, जे राजकीय फायद्याचे साधन बनू नये. पंतप्रधान मोदी आणि उत्तर प्रदेशचे मुख्यमंत्री योगी आदित्यनाथ यांच्या उपस्थितीत हा राज्य प्रायोजित कार्यक्रम आहे.
West Bengal CM Mamata Banerjee not to attend the inauguration of Ram Mandir in Ayodhya: Sources pic.twitter.com/5RnmAPoc7p
— Press Trust of India (@PTI_News) December 27, 2023
वास्तविक, श्री रामजन्मभूमी मंदिराचा भव्य प्राणप्रतिष्ठा कार्यक्रम 22 जानेवारी रोजी अयोध्या येथे होणार आहे. यामध्ये पंतप्रधान नरेंद्र मोदी सहभागी होणार आहेत. पीएम मोदी हे 30 डिसेंबरला अयोध्येला भेट देणार असून अयोध्या रेल्वे स्टेशन आणि नवीन विमानतळाचे उद्घाटनही करणार आहेत. राजकारण्यांपासून अनेक अभिनेत्यांपर्यंत अनेकांना राम मंदिर प्राणप्रतिष्ठा कार्यक्रमात सहभागी होण्यासाठी आमंत्रित करण्यात आले आहे.
