उत्तर प्रदेश: उत्तर प्रदेशातील जालौन जिल्ह्यातील उरई कोतवाली पोलीस ठाण्यात घडलेल्या एका घटनेची सध्या मोठी चर्चा सुरू आहे. ड्युटीदरम्यान महिला पोलीस शिपायाने सहकारी पोलीस शिपायाला सार्वजनिक ठिकाणी चुंबन (किस) केल्याच्या घटनेनंतर जालौनचे पोलीस अधीक्षक (एसपी) विनय कुमार सिंह यांनी संबंधित पोलीस शिपाई अरविंद पटेल यांना तात्काळ निलंबित केले आहे.
मिळालेल्या माहितीनुसार, अरविंद पटेल आणि संबंधित महिला पोलीस शिपाई हे दोघेही उरई कोतवाली पोलीस ठाण्यात कार्यरत असून त्यांच्यात प्रेमसंबंध असल्याची माहिती समोर आली आहे. बुधवारी रात्री पोलीस ठाण्याच्या आवारात किंवा ड्युटीदरम्यान महिला पोलीस शिपायाने अरविंद पटेल यांना सार्वजनिकरित्या ‘किस’ केल्याची घटना घडली.
View this post on Instagram
या घटनेनंतर वरिष्ठ अधिकाऱ्यांनी याची गंभीर दखल घेतली. पोलीस दलातील शिस्तभंग आणि आचारसंहितेचे उल्लंघन झाल्याचा ठपका ठेवत जालौनचे एसपी विनय कुमार सिंह यांनी पोलीस शिपाई अरविंद पटेल यांच्यावर निलंबनाची कारवाई केली. या प्रकरणात विभागीय चौकशीही सुरू करण्यात आल्याची माहिती मिळत आहे.
ड्युटीदरम्यान किंवा पोलीस ठाण्याच्या परिसरात अशा प्रकारचे वर्तन हे शिस्तीच्या नियमांविरोधात असल्याचे मानले जात असल्याने प्रशासनाने कठोर भूमिका घेतली आहे. दरम्यान, या घटनेची सोशल मीडियावर आणि पोलीस दलात जोरदार चर्चा सुरू असून निलंबनाच्या कारवाईने सर्वांचे लक्ष वेधले आहे.
