Rahul Gandhi Viral Photo : देशातील विरोधी पक्ष नेते आणि काँग्रेस खासदार राहुल गांधी सध्या अमेरिकेच्या दौऱ्यावर आहेत. त्यावेळी यूएस एअरपोर्टवरचे त्यांचे फोटो प्रचंड व्हायरल झाले आहेत. व्हायरल होणाऱ्या या फोटोमंधून एका फोटोची सध्या सोशल मीडियावर चर्चा सुरू आहे. राहुल गांधींचा एक फोटो व्हायरल होत असून ते एका महिलेसोबत दिसत आहेत. त्यामुळे ही महिला कोण आहे? त्यांच्या या व्हायरल फोटोवरून आता राजकीय वर्तुळात चर्चा सुरू झाल्या आहेत.
उत्तर प्रदेशातील रायबरेलीचे खासदार, आणि विरोधी पक्ष नेते राहुल गांधी अमेरिकेतील टेक्सास येथे पोहोचले. भारतीय प्रवासी आणि इंडियन ओव्हरसीज काँग्रेस ( IOC) च्या सदस्यांनी त्यांचं जल्लोषात स्वागत केलं आहे.
राहुल गांधी फोटोमध्ये हिरव्या रंगाच्या टीशर्टमध्ये दिसत आहेत. तर, त्यांच्यासोबत असलेल्या महिलेनं ब्राऊन रंगाचा टॉप वेअर केला आहे. सोशल मीडिया प्लॅटफॉर्मवर हा फोटो काही वेळातच तुफान व्हायरल झाला. वेगानं व्हायरल होणाऱ्या या फोटोवर आलेल्या कमेंटमध्ये एकच प्रश्न विचारला गेला, फोटोमध्ये दिसत असलेली ‘ती’ महिला कोण?
‘ब्लिट्ज’चे संपादक सलाहुद्दीन शोएब चौधरी (@salah_shoaib) यांनी ‘X’ वर राहुल गांधींशी संबंधित फोटो शेअर केले. मात्र, सलाउद्दीन शोएब चौधरी यांच्या दाव्यानंतर त्या फोटोतील महिला कोण आहे, याबद्दल काँग्रेसच्या प्रवक्त्या सुप्रिया श्रीनेत यांनी स्पष्टीकरण दिले आहे. फोटोमध्ये राहुल गांधी हे त्यांच्या मित्रासोबत, अमिताभ दुबेसोबत दिसत आहेत, तर तेथे दिसणारी महिला ही अमिताभ यांची पत्नी अमूल्या आहे, असे सुप्रिया यांनी पोस्टमध्ये नमूद केलं. त्यांनी चौधरी यांना खडेबोलही सुनावले.
