नोएडा: नोएडाच्या सेक्टर 49 मध्ये बिग बॉस विजेता म्हणून ओळखल्या जाणार्या एल्विश यादवच्या विरोधात एफआयआर दाखल करण्यात आला आहे. त्याच्यावर पार्ट्या आणि क्लबमध्ये स्नेक बाइट प्रोवाइड केल्याचा आरोप आहे. आता प्रश्न पडतो की, नशेसाठी लोक साप का चावून घेतात? साप चावल्यानंतर शरीरात कोणते बदल होतात आणि नशा किती काळ टिकते?
कशी असते याची नशा?
पोस्ट ग्रॅज्युएट इन्स्टिट्यूट ऑफ मेडिकल एज्युकेशन अँड रिसर्च, चंदीगडच्या संशोधकांनी अलीकडेच साप चावलेल्या लोकांवर एक अभ्यास केला. यामध्ये त्यांनी दोन मुलांवर लक्ष ठेवून होते आणि स्नेक बाइट घेतलेल्या या मुलांच्या शरीरावर काय परिणाम होतो हे पाहिले. बातम्यांनुसार, जेव्हा कोणी नशा करताना स्नेक बाईट घेतो, तेव्हा त्याला साप चावताच एक झटका बसल्यासारखे होते. यानंतर डोळ्यासमोरील सर्वकाही हळूहळू अस्पष्ट होते. ही नशा करणाऱ्या लोकांचे म्हणणे आहे की, सस्नेक बाइट घेतल्यानंतर तर ते तासभर पूर्णपणे बधीर होतात. अनेक वेळा या ड्रग्सच्या व्यसनामुळे लोकांचा मृत्यूही होतो.
त्याचा परिणाम शरीरावर किती काळ टिकतो?
आम्ही इंटरनेटवर यासंबंधी माहिती शोधली तेव्हा आम्हाला अनेक ठिकाणी असे लिहिलेले आढळले की, ही नशा केल्यानंतर हँगओव्हर किमान पाच दिवस टिकतो. त्याची नशा पहिल्या आणि दुसऱ्या दिवशी खूप जास्त असते. ही नशा अत्यंत धोकादायक आहे, म्हणूनच भारतासह जगातील अनेक देशांमध्ये ते बेकायदेशीर आहे. ही नशा करताना कोणी पकडले गेले तर त्याला शिक्षा होऊ शकते. एल्विश यादववरील आरोप सिद्ध झाल्यास त्याला शिक्षाही होईल.
