नवी दिल्ली : सुप्रीम कोर्टाच्या अधिकृत यूट्यूब चॅनेलवर आज (शुक्रवारी) सायबर हल्ला झाला असून, सुप्रीम कोर्टाच्या अधिकृत यूट्यूब चॅनेल हॅक झाल्याची माहिती समोर आली आहे. यामुळे एकच खळबळ उडाली आहे. सुप्रीम कोर्टाच्या अधिकृत यूट्यूब चॅनेलवर कोर्टातील सुनावणींच्या थेट प्रक्षेपणाऐवजी XRP या अमेरिकन कंपनीने विकसित केलेल्या क्रिप्टोकरन्सीची जाहिरात करणारे व्हिडिओ प्रदर्शित करण्यात आले असल्याचे आता समोर आले आहे.
Supreme Court of India’s YouTube channel appears to be hacked and is currently showing videos of US-based company Ripple. pic.twitter.com/zuIMQ5GTFZ
— ANI (@ANI) September 20, 2024
अधिक माहिती अशी की, भारताच्या सर्वोच्च न्यायालयाचे यूट्यूब चॅनेल हॅक झाल्याचे दिसत आहे, सध्या त्यावर XRP नावाच्या क्रिप्टोकरन्सीचा प्रचार करणारे व्हिडिओज दाखवले जात आहेत, जी यूएस-आधारित कंपनी Ripple Labs ने विकसित केली आहे. सर्वोच्च न्यायालय संविधान पीठांसमोर असलेल्या प्रकरणांच्या सुनावणी तसेच सार्वजनिक हिताच्या मुद्द्यांसाठी यूट्यूब चॅनेलचा वापर करून सुनावण्या थेट प्रसारित करत होते. अलीकडेच, RG कर मेडिकल कॉलेज आणि कोलकता हॉस्पिटलमधील बलात्कार आणि खून प्रकरणातील सुओ मोटो प्रकरणाच्या सुनावण्या यूट्यूब चॅनेलवर थेट प्रसारित करण्यात आल्या होत्या.
हॅकर्सनी पूर्वीच्या सुनावणींचे व्हिडिओ प्रायव्हेट केले असल्याचे दिसत आहे. सध्या हॅक झालेल्या चॅनेलवर “Brad Garlinghouse: Ripple Responds To The SEC’s $2 Billion Fine! XRP PRICE PREDICTION” या नावाचे एक रिकामे व्हिडिओ थेट प्रक्षेपित होत असल्याची माहिती मिळत आहे.
