पुणे: बाप्पाला निरोप देण्याचा दिवस आता अवघ्या काही तासांवर आला आहे. 25 सप्टेंबर 2026 रोजी अनंत चतुर्दशी असल्याने या दिवशी गणेशमूर्तींना विधिवत निरोप दिला जाणार आहे. घरगुती तसेच सार्वजनिक गणपतींच्या विसर्जनासाठी भक्तांकडून तयारी केली जात असून विविध ठिकाणी मिरवणुकांचेही आयोजन केले जाणार आहे.
पंचांगातील माहितीनुसार, यंदा चतुर्दशी तिथी 24 सप्टेंबर 2026 रोजी रात्री 11:18 वाजता सुरू होईल. त्यानंतर 25 सप्टेंबर रोजी रात्री 11:06 वाजता ही तिथी संपणार आहे. त्यामुळे 25 सप्टेंबर हा अनंत चतुर्दशीचा दिवस मानला जातो.
विसर्जनासाठी दिवसभरात चार वेळा शुभ कालावधी देण्यात आला आहे. सकाळी 6:28 ते 10:59, दुपारी 12:30 ते 2:01, सायंकाळी 5:02 ते 6:32 आणि रात्री 9:31 ते 11:01 या वेळेत गणपती विसर्जन करता येईल, अशी पंचांगातील माहिती आहे.
विसर्जनापूर्वी गणपतीची पूजा करून आरती केली जाते. त्यानंतर बाप्पाला नैवेद्य दाखवून फुले अर्पण केली जातात. धार्मिक विधी पूर्ण झाल्यानंतर गणेशमूर्ती विसर्जनासाठी नेली जाते. अनेक ठिकाणी ढोल-ताशांच्या गजरात आणि ‘गणपती बाप्पा मोरया’च्या जयघोषात मिरवणूक काढली जाते.
दरम्यान, घरगुती गणपतींचे विसर्जन केवळ अनंत चतुर्दशीला करणे आवश्यक नसते. कुटुंबाच्या परंपरेनुसार काही ठिकाणी दीड दिवस, 5 दिवस किंवा 7 दिवसांनीही बाप्पाला निरोप दिला जातो. त्यामुळे प्रत्येक घरातील विसर्जनाचा दिवस आणि वेळ वेगळी असू शकते. दरम्यान, विसर्जनाची शुभ वेळ दिली असून तुम्ही त्या वेळेत विसर्जन करू शकता.
