नवी मुंबई : उरण येथे राहणाऱ्या यशश्री शिंदेच्या हत्या प्रकरणाने राज्याला हादरवून सोडलं. या घटनेसंदर्भात मोठी अपडेट समोर येत आहे. आरोपी दाऊद शेखला नवी मुंबईच्या गुन्हे विभागाने कर्नाटकातील गुलबर्गा येथून अटक केली आहे. कर्नाटकमधून सकाळी सात वाजता त्याला ताब्यात घेण्यात आलं आहे.
Yashshri Shinde murder case | Accused Dawood (in the middle, in pic) taken in custody from Shahpur, district Gulbarga, Karnataka.
(Pic: Navi Mumbai Crime Branch) pic.twitter.com/Rwg5EbDrX3
— ANI (@ANI) July 30, 2024
उरणमधील यशश्री शिंदे या तरुणीची निर्घुण हत्या करुन त्यानंतर तिच्या शरीराचे तुकडे करुन झुडपात फेकण्यात आले होते. या घटनेनंतर मुख्य आरोपी दाऊद फरार होता. त्याचा नेमका ठावठिकाणा कोणालाही माहिती नव्हता. पोलीस त्याचा कसून शोध घेत होते. पण पोलिसांना त्याचे नेमके ठिकाण समजत नव्हते. पण पोलिसांना शेवटी त्याला पकडण्यात यश आले आहे.
शुक्रवारी रात्री उशिरा उरण कोटनाका येथील पेट्रोल पंपाजवळ एका निर्जन रस्त्यावर यशश्रीचा मृतदेह आढळून आला. अत्यंत निर्घृणपणे यशश्रीची हत्या करण्यात आली होती. मृतदेहावर सर्वत्र रक्त होतं. शरीरावर अनेक गंभीर जखमा होत्या. पोटावर, पाठीत भोसकल्याच्या जखमा होत्या. या प्रकरणात दाऊद शेखर संशय व्यक्त करण्यात आला होता. त्याला कर्नाटकच्या गुलबर्गा जिल्ह्यातून पोलिसांनी अटक केली आहे. दाऊदच शेवटच लोकेशन कर्नाटक होतं. त्यानंतर त्याने मोबाइल बंद केला होता. टेक्निकल एनलिसिसच्या आधारावर पोलिसांनी त्याला अटक केली आहे.
