मुंबई : मुंबईच्या अंधेरीमधील महाकाली लेणी मार्गावरील ‘ट्रान्स रेसिडेन्सी’ इमारतीच्या मागील परिसरात मंगळवारी मध्यरात्री २.३० च्या सुमारास तीन वाहनांना अचानक आग लागली. ही तिन्ही वाहने आगीत जळून खाक झाली. या दुर्घटनेत फारुख सिद्दिकी (४५) गंभीर जखमी झाले असून त्यांना रुग्णालयात दाखल करण्यात आले आहे.
या घटनेची माहिती मिळताच अग्निशमन दलाचे जवान तात्काळ घटनास्थळी दाखल झाले आणि त्यांनी युद्धपातळीवर बचावकार्य सुरू केले. या आगीत तीन वाहने जळून खाक झाले. अखेर मध्यरात्री २ वाजून ४४ मिनिटांनी आगीवर नियंत्रण मिळविण्यात अग्निशामकांना यश आले.
