मुंबई : उद्धव बाळासाहेब ठाकरे गटाचे बूथ एजंट मनोहर नलगे (वय-62) हे मुंबईतील वरळी भागातील मतदान केंद्राच्या शौचालयात मृतावस्थेत आढळून आले. मुंबईतील एनएम जोशी मार्ग पोलिसांनी मृतदेह ताब्यात घेऊन पोस्टमार्टमसाठी पाठवला आहे. ADR मध्ये गुन्हा दाखल करण्यात आला आहे. पुढील तपास सुरू आहे. मुंबई पोलिसांनी ही माहिती दिली आहे.
निवडणूक अधिकाऱ्यांनी दिलेल्या माहितीनुसार, मतदानकेंद्रावर पुरेश्या सोयीसुविधांचा आभाव होता. निवडणूक आयोगाने या ठिकाणी हव्या तशा सोयीसुविधा पुरवल्या नसल्याचा दावा अधिकाऱ्यांनी केला आहे.
मिळालेल्या माहितीनुसार, मनोहर नलगे हे म्हसकर उद्यान, बीडीडी चाळ, ना एम जोशी मार्ग, डेलिसल रोड, मुंबई-13 येथील रहिवासी होते. लोकसभा निवडणुकीच्या पाचव्या टप्प्यात सोमवारी राज्यभरात 13 जागांवर मतदान झाले. मतदानाच्या या शेवटच्या टप्प्यात देशातील इतर राज्यांच्या तुलनेत महाराष्ट्रात सर्वात कमी मतदान झाले. याशिवाय पाचव्या टप्प्यातील ईव्हीएममधील बिघाड, पक्ष कार्यकर्त्यांमधील हाणामारी आणि मतदान केंद्रांवर सुविधांचा अभाव यामुळे ते चर्चेत राहिले.
पोलिसांनी सांगितले की, त्यावेळी वॉशरूममध्ये जाण्यापूर्वी त्यांनी अस्वस्थतेची तक्रार केली होती. एका पोलीस अधिकाऱ्याने सांगितले, “मृत्यूचे नेमके कारण शोधण्यासाठी पोस्टमॉर्टम केले जात आहे.” शिवसेना (UBT) कार्यकर्त्यांनी निवडणूक आयोगावर शहरातील मतदान केंद्रांवर योग्य सुविधा न पुरवल्याचा आरोप केला आहे.
