मुंबई: तुम्ही जर ब्लिंकिट (Blinkit) सारख्या Online प्लॅटफॉर्मवरून घरपोच किराणा माल मागवत असाल, तर तुम्हाला सावधान होण्याची गरज आहे. विरारमध्ये एका ग्राहकाने ब्लिंकिटवरून मागवलेल्या अंड्यांमध्ये अळ्या (Maggots) आढळून आल्याची गंभीर घटना समोर आली आहे. यामुळे Online डिलिव्हरी सेवांवर पुन्हा एकदा प्रश्न निर्माण झाला आहे.
अंड्यात अळ्या
स्थानिक रहिवासी शुभम नावाच्या ग्राहकाने ब्लिंकिटवरून काही वस्तूंसोबत अंड्यांची ऑर्डर केली होती. डिलिव्हरी मिळताच शुभमने पॅकेट उघडले आणि त्याला मोठा धक्का बसला.
- ऑर्डर केलेल्या पॅकेटबंद खाद्यपदार्थांची Expiry Date निघून गेली होती.
- भयानक म्हणजे, जेव्हा Eggs फोडून पाहिले, तेव्हा त्यामध्ये बारीक अळ्या दिसल्या.
ग्राहकांचा संताप
या संतापजनक प्रकारानंतर शुभम त्वरित ब्लिंकिटच्या स्थानिक स्टोअरवर गेला आणि त्याने मॅनेजरला याबद्दल जाब विचारला. ग्राहकांच्या तीव्र नाराजीनंतर, स्टोअरच्या मॅनेजरने स्वतःची चूक कबूल केली आहे. ग्राहकांनी ब्लिंकिट विरोधात तीव्र संताप व्यक्त केला आहे आणि अशा चुकीबद्दल कंपनीवर कठोर कारवाई व्हावी, अशी मागणी केली आहे. दरम्यान, आता या संदर्भात कंपनीकडून काय ठोस उपाययोजना केल्या जातात, याकडे आता लक्ष लागले आहे.
