मुंबई: राज्यभरात मान्सूनचा मुसळधार पाऊस पडल्यानंतर पवासाने सध्या विराम घेतला आहे. त्यामुळं राज्यात पुन्हा उन्हाच्या झळा बसायला सुरुवात झाली आहे. मात्र, आता राज्यात विजांच्या गडगडाटासह वादळी पावसाची शक्यता हवामान विभागाने वर्तवली आहे. या पार्श्वभूमीवर राज्यातील काही जिल्ह्यांना यलो अलर्ट जारी करण्यात आला आहे.
आज (दि. 5) रोजी कोकणातील मुंबई, ठाणे, रत्नागिरी, रायगड मध्य महाराष्ट्रातील नाशिक, धुळे, जळगाव,अहिल्यानगर, सातारा, सांगली, सोलापूर, मराठवाड्यातील छत्रपती संभाजीनगर, धाराशिव, विदर्भामधील बुलडाणा, अकोला, अमरावती, वाशीम, यवतमाळ, वर्धा, नागपूर, चंद्रपूर, गडचिरोली जिल्ह्यांत वादळी पावसाचा अंदाज हवामान विभागाने वर्तवला असून सतर्कतेचा इशारा (येलो अलर्ट) देण्यात आला आहे.
हवामान विभागानुसार, राज्यात पुढील २,३ दिवस कोकण, मध्य महाराष्ट्र, विदर्भ आणि मराठवाड्यातील काही जिल्ह्यांमध्ये वादळी वाऱ्यासह, विजांच्या कडकडाटात हलका ते मध्यम स्वरूपाच्या पावसाची शक्यता वर्तवण्यात आली आहे.
