Koffee With Karan: मुंबई : बॉलिवूडमधील प्रसिद्ध अभिनेता अजय देवगण आणि रोहित शेट्टी यांनी नुकतीच करण जोहरच्या कॉफी विथ करण या कार्यक्रमामध्ये हजेरी लावली. या शोमध्ये अजय देवगण आणि रोहित शेट्टी यांनी अनेक मुद्द्यांवर चर्चा केली. अजय देवगणला मुलगी निसाच्या ट्रोलिंगबद्दल करणनं या शोमध्ये विचारलं. तसेच अजयनं निसाच्या बॉलिवूड डेब्यूबद्दल देखील सांगितलं.
अजयसोबत बोलताना करण जोहरनं त्याला अनेक प्रश्नांत अडकवण्याचा प्रयत्न केला. निसाची सोशल मीडियावर होणारी ट्रोलिंग, तिच्या रंगावरून होणारी ट्रोलिंग, बॉलिवूड डेब्यू, अनेक पार्ट्यांमध्ये हजेरी, असे अनेक प्रश्न विचारले. त्यावर अजनेही उत्तर दिली. तो म्हणाला, “निसाला हे अजिबात आवडत नाही. मलाही हे आवडत नाही. पण तुम्ही ते बदलू शकत नाही. त्यासोबत जगावे लागेल. काही लोक तुमच्याबद्दल निरर्थक बोलतात याचा अर्थ जग तुमच्याबद्दल असेच विचार करते असे नाही. तुम्ही लोकांबद्दल चांगल्या गोष्टी लिहिता, पण ते वाचण्यात कोणालाच रस नाही.” याबाबत रोहित शेट्टी म्हणाला, ‘प्रत्येकजण ट्रोल होत आहे.’ निसाला तिच्या लूक्सवरुन अनेकजण ट्रोल करतात.
अजय देवगण लवकरच हा सिंघम अगेन या चित्रपटात दिसणार आहे. रोहित शेट्टीनं या चित्रपटाचं दिग्दर्शन केलं आहे. या चित्रपटात रणवीर सिंह, दीपिका पदुकोण आणि करीना कपूर खानसारखे स्टार्सही दिसणार आहेत. सिंघम अगेन व्यतिरिक्त अजयचे औरों में कहां दम था, शैतान आणि मैदान या चित्रपटांमध्ये दिसणार आहे. अजयचा भोला हा चित्रपट काही महिन्यांपूर्वी रिलीज झाला होता. निसा बॉलिवूडमध्ये डेब्यू करणार का? असा प्रश्न करण जोहरनं कॉफी विथ करणमध्ये अजयला विचारला. या प्रश्नाचं उत्तर देताना अजय म्हणाला, सध्या तिला चित्रपटसृष्टीत येण्याची इच्छा नाही. पण भविष्यात काही बदल झाले तर ती त्याचा विचार करेल.
