मुंबई : आठवड्याच्या पहिल्याच दिवशी सोन्या-चांदीच्या दरांकडे गुंतवणूकदारांचे लक्ष लागले आहे. देशात 24 कॅरेट सोन्याचा दर सध्या 1,51,470 रुपये प्रति 10 ग्रॅम, तर 22 कॅरेट सोन्याचा दर 1,38,848 रुपये प्रति 10 ग्रॅम आहे. 18 कॅरेट सोन्याचा भाव 1,13,603 रुपये प्रति 10 ग्रॅम नोंदवला गेला आहे. चांदीचा दर 2,35,070 रुपये प्रति किलो आहे.
गेल्या महिन्यात 24 कॅरेट सोन्याच्या दरात सुमारे 3.5 टक्क्यांची घसरण झाली होती. मात्र, मागील वर्षभरात सोन्याच्या किमतीत सुमारे 32 टक्क्यांची वाढ झाली आहे. गेल्या शुक्रवारी MCX वर सोने 1,50,700 रुपये प्रति 10 ग्रॅमवर बंद झाले. त्याच दिवशी चांदीचा भाव 2,35,000 रुपये प्रति किलो होता.
आजच्या दरानुसार 24 कॅरेट सोन्याची किंमत 15,147 रुपये प्रति ग्रॅम आहे. 100 ग्रॅम सोन्यासाठी 15,14,700 रुपये मोजावे लागतील. 22 कॅरेट सोन्याचा दर 13,885 रुपये प्रति ग्रॅम, तर 100 ग्रॅमसाठी 13,88,475 रुपये आहे. 18 कॅरेट सोन्याचा भाव 11,360 रुपये प्रति ग्रॅम असून 100 ग्रॅमचा दर 11,36,025 रुपये आहे.
शहरानुसारही सोन्याच्या किमतीत फरक दिसत आहे. मुंबईत 10 ग्रॅम 24 कॅरेट सोन्याचा दर 1,51,200 रुपये, दिल्लीत 1,50,940 रुपये, चेन्नईत 1,51,640 रुपये, हैदराबादमध्ये 1,51,440 रुपये, कोलकात्यात 1,51,000 रुपये आणि बेंगळुरूमध्ये 1,51,320 रुपये आहे.
दरम्यान, या आठवड्यात सोन्या-चांदीच्या बाजारात चढ-उतार होण्याची शक्यता आहे. अमेरिकेतील आर्थिक आकडे, कच्च्या तेलाच्या किमती, पश्चिम आशियातील परिस्थिती आणि फेडरल रिझर्व्हच्या व्याजदरासंदर्भातील अपेक्षा यांचा मौल्यवान धातूंच्या दरांवर परिणाम होऊ शकतो. अमेरिकेतील रोजगार, GDP, ग्राहक विश्वास आणि PCE महागाईचे आकडे बाजारासाठी महत्त्वाचे ठरणार आहेत.
