मुंबई : अभिनेता आमिर खानची लेक इरा खान ही तिचा बॉयफ्रेंड नुपूर शिखरेसोबत लवकरच लग्नगाठ बांधणार आहे. काल मंगळवारी, सलमान खानच्या घरी आमिरच्या लाडक्या लेकीचा मेहंदीचा कार्यक्रम पार पडला. यावेळी आमिर खानच्या दोन्ही एक्स पत्नी मुलीच्या मेहेंदी सोहळ्यामध्ये सहभागी झाल्या होत्या. आमिरचा मुलगा जुनैद, आझाद आणि एक्स वाईफ रीना दत्ता आणि किरण राव या सलमान खानच्या घरी उपस्थित होत्या.
या सोहळ्याला आमिर खानच्या एक्स वाईफ्स पत्नी किरण राव आणि रीना दत्ता या दोन्ही मराठमोळ्या लूकमध्ये दिसल्या. लेकीच्या मेहंदी सोहळ्यासाठी आमिरनं स्टायलिश लूक केला होता. आमिर खानने काळ्या टी-शर्ट आणि बेज रंगाची पँट असा लूक केला होता. सोशल मीडियावर व्हायरल होत असलेल्या व्हिडीओमध्ये आमिर खान हा मुलगा जुनैदसोबत सलमान खानच्या घरी जाताना दिसत होते. मेहंदी सोहळ्यासाठी सलमान खानचे घर लाइट्सनं सजलेले होते.
इरा आणि नुपूर शिखरे हे मुंबईत लग्न करणार आहेत. यानंतर ते दोघे फॅमिलीसोबत रिसेप्शन पार्टी करणार आहे. इरा होणारा पती नुपुर शिखरे पुण्याचा आहे. जन्म तारीख 17 ऑक्टोबर 1985 आहे. दोघेही 2020 पासून एकमेकांना डेट करत आहेत. नुपुर हा एक सेलिब्रिटी फिटनेस ट्रेनर आहे.
