मुंबई: नालासोपाऱ्यात हादरवून टाकणारी घटना घडली आहे, तेथे १३ वर्षांच्या अल्पवयीन आतेभावाने आपल्याच ५ वर्षांच्या मामेबहिणीची हत्या केल्याची घटना समोर आली आहे. रविवारी (२ मार्च) पाहटे चार वाजेच्या सुमारास या चिमुरडीचा मृतदेह एका जंगलात आढळून आला आहे. शिद्राखातून खान (वय ५) असे हत्या झालेल्या चिमुरडीचे नाव आहे. या घटनेबाबत पोलिस अधिक तपास करत आहेत.
घटनेबाबत अधिक माहिती अशी की, ही घटना सीसीटीव्ही कॅमेऱ्यामुळे उघड झाली आहे. घरातील सर्वजण तिचाच लाड करतात, माझा कोणी लाड करत नाही. हा राग मनात धरून, नालासोपार्‍यात एका ५ वर्षांच्या चिमुरडीची १३ वर्षाच्या अल्पवयीन आतेभावाने निर्घृणपणे हत्या केल्याची धक्कादायक घटना घडली आहे. आज रविवारी (२ मार्च) पहाटे ४ वाजता एका जंगलात या चिमुरडीचा मृतदेह सापडला आहे. नालासोपारा परिसरातील पूर्व श्रीराम नगर येथे चिमुकली आपल्या आई वडिलांसोबत राहत होती. तर त्यांच्याच शेजारी १३ वर्षांचा अल्पवयीन आरोपी मुलगाही राहत होता. या घटनेमुळे परिसरात खळबळ उडाली आहे.
