Kalyan Crime News : कल्याण येथील टिटवाळा परिसरातून एक धक्कादायक घटना समोर यत आहे. रिक्षा घेण्यासाठी पैशे कमी पडत होते म्हणून पत्नीला माहेरून पैसे आणायला सांगितले. मात्र, पत्नी माहेरून पैशे आणायला नकार देत होती म्हणून पतीने फावड्याच्या दांड्याने मारहाण करत गळा आवळून पत्नीची हत्या केली.
एवढंच नाही तर, हत्येनंतर पत्नीचा मृतदेह एका पिंपात भरून पिंप जंगलात फेकून दिला होता. ही घटना टिटवाळा येथे 5 डिसेंबर ला घडली. मयुद्दीन (वय 38 वर्षे) असे आरोपीच नाव असून अलीमुना अन्सारी (वय 35 वर्ष) पीडित पत्नीच नाव आहे. या प्रकरणी टिटवाळा पोलिसांनी आरोपी मैनुद्दीन अन्सारी याला पोलिसांनी ताब्आयात घेतलं आहे. या घटनेने परिसरात एकच खळबळ उडाली आहे.
पोलिसांनी दिलेल्या अधिक माहितीनुसार, कल्याणजवळ टिटवाळा मांडा परिसरात मैनुद्दीन अन्सारी पत्नी अलीमुन आणि दहा वर्षाचा मुलगा हे तिघेजण राहात होते. अन्सारी यांचा रिक्षा चालवणे हेच या जोडप्याचे उदरनिर्वाहाचे साधन होते. पती आणि पत्नी यांच्यात घरगुती भांडणे हा नित्याचाच होतं.
दरम्यान, मैनुद्दीनला रिक्षा घ्यायची असल्याने तो अलीमुनकडे माहेरून पैसे घेऊन येण्यासाठी तगादा लावत होता. त्यांचा दहा वर्षाचा मुलगा शाळेत गेला असताना पुन्हा या दोघांमध्ये वाद झाले. यावेळी संतापलेल्या मैनुद्दीनने फावड्याच्या दांड्याने पत्नी अलीमुनला मारहाण केली. यामध्ये ती बेशुद्ध पडली. नंतर तिचा गळा आवळून हत्या करण्यात आली.
त्यानंतर कोणाला संशय येऊ नये म्हणून आरोपीने मृतदेह एका पिंपात भरून तो पिंप त्याने एकट्याने रिक्षात भरला आणि अंबरनाथ येथील टिटवाळा जवळच्या जंगलात फेकून दिला. केलेल्या कृत्याचा कोणताही पश्चाताप नसलेल्या मैनुद्दीनने त्यानंतर याची माहिती तिच्या वडिलांना दिली आणि तुम्ही पण पोलीस स्टेशनला या असे सांगितले. माहिती मिळताच टिटवाळा पोलिसांनी घटनास्थळी धाव घेत मृतदेह ताब्यात घेतला आणि मैनुद्दीन बेड्या ठोकल्या. पोलिसांकडून या प्रकरणाचा अधिक तपास सुरू आहे.
