मुंबई : आगामी लोकसभा निवडणुकीसाठी राष्ट्रवादी काँग्रेस शरदचंद्र पवार पक्षाच्या लोकसभा उमेदवारांची पहिली यादी आज जाहीर होण्याची शक्यता आहे. तसेच शरद पवारांच्या राष्ट्रवादीला महाविकास आघाडीत 10 जागा मिळण्याची शक्यता आहे. यामध्ये बारामती, शिरुर, अहमदनगर आणि दिंडोरीसह भिवंडी मतदारसंघाचा समावेश आहे. शरद पवारांच्या राष्ट्रवादीचे प्रदेशाध्यक्ष जयंत पाटील हे उमेदवारांची यादी घोषित करणार आहेत.
दरम्यान, राष्ट्रवादी काँग्रेस शरदचंद्र पवार पक्षाची पहिली यादी आज जाहीर होणार असून याकडे राज्याचं लक्ष लागून राहील आहे. आज दुपारी चार वाजता पत्रकार परिषदेचे आयोजन करण्यात आला आहे. त्यावेळी प्रदेशाध्यक्ष जयंत पाटील उमेदवारांची नावे जाहीर करणार असल्याची माहिती समोर आली आहे. राष्ट्रवादी शरदचंद्र पवार गटाचे प्रदेशाध्यक्ष जयंत पाटील शनिवारी बारामती, शिरूर, नगर दक्षिण, दिंडोरी आणि भिवंडी या दहा लोकसभा मतदारसंघाचे उमेदवार जाहीर करण्याची शक्यता वर्तवण्यात येत आहे.
कोणत्या मतदारसंघातून कुणाला उमेदवारी?
बारामती – सुप्रिया सुळे
शिरूर – अमोल कोल्हे
अहमदनगर – निलेश लंके
दिंडोरी – भास्कर भगरे
भिवंडी – बाळ्या मामा उर्फ सुरेश म्हात्रे
