Dhananjay Munde Corona Positive : मुंबई : कोरोनाचा नवा व्हेरियंट परत आला असल्याने सर्व सामान्यांची चिंता वाढली आहे. त्यातच आता मोठी माहिती समोर आली आहे. राज्यातील कृषी मंत्री आणि राष्ट्रवादी अजित पवार गटाचे नेते धनंजय मुंडे यांना कोरानाची लागण झाली आहे. धनंजय मुंडे यांना खोकल्याचा त्रास जाणवत होता. त्यासंबंधीत कोरोनाची चाचणी त्यांनी केली होती. त्याचा रिपोर्ट हाती आल्यावर धनंजय मुंडे पॉझिटिव्ह आल्याचं समजलं. याबाबत धनंजय मुंडे यांनी ट्विट (एक्स) करत माहिती दिली आहे.
नागपूर अधिवेशन संपल्यानंतर अस्वस्थ वाटू लागल्याने मी तपासणी केली असता पुन्हा एकदा कोविड पॉझिटिव्ह असल्याचे आढळून आले. मला सध्या फारसा त्रास नाही, मात्र डॉक्टरांच्या सल्ल्याने मागील 4 दिवसांपासून क्वारंटाईन राहून योग्य उपचार घेत आहे. काळजी करण्याचे कोणतेही कारण नाही.
नागपूर अधिवेशन संपल्यानंतर अस्वस्थ वाटू लागल्याने मी तपासणी केली असता पुन्हा एकदा कोविड पॉझिटिव्ह असल्याचे आढळून आले. मला सध्या फारसा त्रास नाही, मात्र डॉक्टरांच्या सल्ल्याने मागील 4 दिवसांपासून क्वारंटाईन राहून योग्य उपचार घेत आहे. काळजी करण्याचे कोणतेही कारण नाही.
— Dhananjay Munde (@dhananjay_munde) December 24, 2023
कोरोनाचा नवा व्हेरियंट घातक
लग्न हॉल, ट्रेन आणि बस यासारख्या गर्दीच्या ठिकाणी मास्क घालणे फायद्याचं ठरेल. कारण यामुळे कोविडसह अनेक वायुजन्य रोगांपासून संरक्षण होईल. कोरोनाचा हा नवा सब-व्हेरियंट JN.1 आहे. अतिशय घातक नसला तरी लगेच संसर्ग होत आहे. आतापर्यंत कोरोनाच्या रूग्णांमध्ये सर्वात सामान्य लक्षणांमध्ये ताप, सर्दी, घसा खवखवणे, डोकेदुखी आणि सौम्य गॅस्ट्रोइंटेस्टाइनल लक्षणे यांचा समावेश आहे.
