बिहार : बिहारची राजधानी पाटणा येथे रेड्याची किंमत ऐकून सगळे आवाक झाले आहेत. त्या रेड्याची किंमत तब्बल 10 कोटी रुपये आहे. बिहार डेअरी आणि कॅटल एक्स्पो 2023 चे तीन दिवसीय प्रदर्शन आयोजित करण्यात आले. या एक्स्पोमध्ये डझनभर कंपन्यांचे स्टॉल्स लावण्यात आले आहेत. त्यामुळे हा रेडा प्रकाश झोतात आला आहे.
पाच किलो सफरचंद, हरभरा, एसी रुम
गोलू असं या रेड्याचे नाव आहे. हा रेडा हरियाणातून पाटणा येथे पोहोचला आहे. हा रेडा एसी रुममध्ये राहतो. गोलू चारा खाण्यासोबतच रोज पाच किलो सफरचंद, पाच किलो हरभरा खातो. दररोज दोन लोक या रेड्याची मालिश करतात.
रेड्याचे मालकाला पद्मश्री पुरसस्कार
रेड्याचे मालक नरेंद्र सिंह यांना राष्ट्रपतींकडून पद्मश्रीही मिळाला आहे. हा रेडा मुर्राह जातीचा आहे. या रेड्याचा उपयोग प्रजननासाठी केला जातो. रेड्यावर दरमहा सुमारे 50 ते 60 हजार रुपये खर्च होतात. हा मौल्यवान रेडा यापूर्वीही अनेक शेतकरी मेळ्यांना गेली आहे. हा 6 वर्षाचा गोलू-2 रेडा त्यांच्या कुटुंबातील तिसरी पिढी आहे.
दुधामध्ये चरबी उत्पादनासाठी मुर्रा ही उत्तम जात आहे. एक मुर्राह म्हैस एका दिवसात सुमारे 25 लिटर दूध देते. मुर्राह म्हशीची किंमत 50 हजार ते एक लाख रुपयांपर्यंत आहे. हरियाणामध्ये मुर्रा म्हशीला काला सोना असेही म्हणतात. त्याच्या दुधात 7 टक्के चरबी आढळते. हरियाणा, दिल्ली, आणि पंजाबमधील रोहतक, हिसार, जिन्द आणि करनाल या जिल्ह्यात मोठ्या प्रमाणात मुर्रा म्हशी आणि रेडे आढळतात. तसेच परदेशातही इटली, बल्गेरिया, इजिप्त इत्यादी देशात या म्हशी आढळतात. ज्यानुसार तुम्ही दररोज 1000 ते 1500 रुपये कमवू शकता.
