मुंबई: राज्यात महायुती विरुद्ध महाविकास आघाडी असा सामना सुरु आहे. महाराष्ट्रात लोकसभा निवडणुकीचे दोन टप्प्यातील मतदान पार पडले आहे. त्यानंतर आता तिसऱ्या टप्प्यातील मतदान येत्या ७ मे रोजी पार पडणार आहे. दरम्यान मुंबईतील महायुतीचे काही मतदारसंघातील उमेदवार अद्याप घोषित झाले नाहीत. बुधवारी यासंदर्भात घोषणा होण्याची शक्यता आहे. अशातच काँग्रेसने मंगळवारी देशातील आणखी चार लोकसभा मतदारसंघातील उमेदवारांची घोषणा केली आहे. यामध्ये उत्तर मुंबईमधून भूषण पाटील यांना लोकसभेची उमेदवारी देण्यात आली आहे. मुंबई उत्तर लोकसभा मतदारसंघात भूषण पाटील विरुद्ध पीयूष गोयल असा सामना रंगणार आहे.
