मुंबई : छत्तीसगड आणि राजस्थानमध्ये काँग्रेसने आश्वासने दिली. परंतु, ती पूर्ण केली नाहीत, त्यामुळे येत्या काळात जनतासुद्धा काँग्रेसला हद्दपार केल्याशिवाय राहणार नाही, अशी घणाघाती टीका मुख्यमंत्री एकनाथ शिंदेंनी केली. घर घर मोदी म्हटलं जायचं पण आता ‘मन मन मोदी’ असे निकाल लागलेत, मोदी लोकप्रियतेत पहिल्या नंबरवर आहेत हे पुन्हा एकदा सिद्ध झालं, असे देखील मुख्यमंत्री एकनाथ शिंदे म्हटलं आहे.
पंतप्रधान नरेंद्र मोदींचा करिष्मा संपला असं काही लोक म्हणत होते. त्यांना बदनाम करण्याचा प्रयत्न केला. जनतेनं या निवडणुकांमध्ये मोदींना मोठी साथ दिली. मोदींची लोकांमध्ये असलेली लोकप्रियता कायम आहे, हे पुन्हा सिद्ध झालं. राहुल गांधींनी परदेशात भारताला बदनाम केलं . मोदींना हरवण्यासाठी इंडिया आघाडी एकत्र आली आहे. 2024 मध्ये त्यांचे पानिपत होईल, मुख्यमंत्री शिंदे म्हणाले.
