मुंबई: मुंबई महानगर प्रदेश विकास प्राधिकरणाच्या (MMRDA) कर्मचाऱ्यांची यंदाची दिवाळी गोड होणार आहे. त्यांना दिवाळीनिमित्त 42,350 हजार रूपये बोनस जाहीर करण्यात आला आहे. मुख्यमंत्री एकनाथ शिंदे यांनी ही घोषणा केली असून हा बोनस सर्व संवर्गातील अधिकारी आणि कर्मचाऱ्यांना लागू करण्यात येणार आहे. सदरचा बोनस अदा करण्यास मंजुरी देत असल्याचे परिपत्रक एमएमआरडीएचे आयुक्त डॉ. संजय मुखर्जी यांनी जारी केले आहे.
गेल्या वर्षी एमएमआरडीएच्या कर्मचाऱ्यांना दिवाळी बोनस म्हणून 38,550 रुपये देण्यात आले होते. यावर्षी त्यामध्ये 10 टक्क्यांनी वाढ करून बोनसची रक्कम 42,350 रुपये एवढी करण्यात आली. बोनसची घोषणा केल्यानंतर एमएमआरडीएच्या कर्मचाऱ्यांमध्ये आनंदाचे वातावरण असून या कर्मचाऱ्यांनी एमएमआरडीएचे आयुक्त डॉ.संजय मुखर्जी यांची भेट घेत त्यांचे आभार मानले.
