पुणे : रिझर्व्ह बँक ऑफ इंडियाने पैसे पाठवण्याची प्रक्रिया अत्यंत सोपी केली असून, आता बँक खाते नसलेले नागरिक देखील सहज पैसे ट्रान्सफर करू शकणार आहेत. आरबीआयच्या या नवीन नियमांमुळे ग्रामीण आणि दुर्गम भागातील लोकांना मोठा दिलासा मिळाला आहे.
या नव्या मार्गदर्शक तत्त्वांनुसार, बँक खाते नसलेली कोणतीही व्यक्ती एटीएम किंवा बँकेच्या अधिकृत एजंटमार्फत सुलभतेने पैसे पाठवू किंवा मिळवू शकते. या सुविधेमुळे पैसे पाठवणे पूर्वीपेक्षा अधिक सोपे झाले आहे.
या व्यवहारांसाठी काही मर्यादा ठरवून देण्यात आल्या आहेत:
बँक खाते नसतानाही एकाच वेळी 50 हजार रुपयांपर्यंतची रक्कम एनईएफटीद्वारे पाठवणे शक्य आहे.रोख स्वरूपात पैसे पाठवताना एका वेळी 10000 रुपयांपर्यंतची मर्यादा आहे.
एका व्यक्तीसाठी महिनाभरात कमाल 25000 रुपयांपर्यंत पैसे पाठवण्याची मर्यादा निश्चित करण्यात आली आहे.तसेच एजंट किंवा एटीएमच्या माध्यमातून पैसे पाठवताना एकाच वेळी जास्तीत जास्त 50 हजार रुपयांपर्यंतचे व्यवहार करता येतात.
आरबीआयच्या या नव्या नियमांमुळे हे सर्व पैसे ट्रान्सफरचे व्यवहार तात्काळ म्हणजेच रिअल-टाइममध्ये पूर्ण होणार आहेत. यामुळे बँक खाते नसलेल्या सर्वसामान्य नागरिकांचा वेळ वाचणार असून पैशांचे लेन-देन अधिक सोपे आणि वेगवान झाले आहे.
