पुणे : पुण्यात दररोज काही ना काही घडत असत. अशीच एक घटना पुण्यातील येरवडा परिसरात घडली आहे. मैत्रिणीला भेटण्यासाठी एकाने चक्क बुरखा घालून भेटण्याचे ठरवलं. मात्र शाळेच्या परिसरात जाताच त्याचे बिंग फुटले. त्यानंतर पसार झालेल्या आरोपीला विश्रांतवाडी पोलिसांनी ताब्यात घेतलं आहे.
अधिक माहिती अशी कि, दोघांची एकमेकांसोबत चांगली मैत्री होती. हे दोघे भेटतात ही बाब मुलीच्या घरच्यांना समजली. त्यामुळे त्यांनी मुलाला बेदम मारहाण केली, नंतर मुलीच्या घरच्यांनी मुलीवर पाळत ठेवायला सुरुवात केली. त्यामुळे दोघांचे भेटणे अवघड झाले. त्यामुळे त्याने चक्क बुरखा परिधान करून तिला भेटण्याचा चंग बांधला.
मग काय त्याने देखील नामी शक्कल लढवत बुरखा परिधान केला आणि शाळेच्या परिसरात तिला भेटायला गेला, आणि त्याचे बिंग फुटले. हा सर्व प्रकार उघडकीस आल्यानंतर शाळेच्या परिसरात एकच खळबळ उडाली. बुरखा घालणारा व्यक्ती शाळकरी मुलांचे अपहरण करत असल्याची बातमी वाऱ्यासारखी पसरली. याप्रकरणी, एका व्यक्तीने दिलेल्या फिर्यादीनुसार विश्रांतवाडी पोलिसांनी गुन्हा दाखल केला होता.
मुलांचे अपहरण करण्यासाठी नव्हे, तर यासाठी घातला बुरखा
दोघांची खूप दिवसापासून मैत्री होती. ते एकमेकांना भेटत असायचे मात्र मुलीच्या घरच्यांना ही बाब समजली. त्यामुळे त्यांनी मुलाला बेदम चोप दिला, शिवाय मुलीवर पाळत ठेवण्यास सुरुवात केली. त्यामुळे त्याचे तिला भेटणे अवघड झाले होते. मग काय त्यानेदेखील चांगली शक्कल लढवत चक्क बुरखा परिधान करून तिला भेटण्याचा चंग बांधला. आणि तो तिला भेटायला शाळेच्या परिसरात गेला.
मात्र त्याचा हा खेळ उघडकीस आला. त्यामुळे शाळेच्या आवारात बुरखा घालणारा व्यक्ती शाळकरी मुलांचे अपहरण करत असल्याच्या बातमी वाऱ्यासारखी पसरली. त्यामुळे परिसरात भीतीचे वातावरण पसरले. संबंधित आरोपीला पोलिसांनी ताब्यात घेतल्यानंतर त्याने मुलांचे अपहरण करण्यासाठी नव्हे, तर आपल्या मैत्रिणीला भेटण्यासाठी बुरखा घातल्याचे त्याच्या चौकशीत समोर आल्याचे पोलिसांना सांगितले. त्याचं झालं असं की आरोपी विजयने दुसरीपर्यंत शिक्षण घेतले आहे. तो केटरिंगचे काम करतो.
