भुवनेश्वर : ओदिशामध्ये घडलेली एक (Viral News) थरारक घटना सध्या सोशल (Bhuvaneshwar News) मीडियावर जोरदार चर्चेत आहे. विवाहित महिलेच्या घरात तिचा प्रियकर लपलेला असल्याचा व्हिडिओ व्हायरल झाला आहे. प्रेयसीचा नवरा घराबाहेर गेल्याची संधी साधून प्रियकर तिच्या घरी पोहोचला होता, मात्र अचानक पती आणि सासरचे लोक परत आल्याने परिस्थिती पलटली.
मिळालेल्या माहितीनुसार, ओदिशातील एका विवाहित महिलेचे लग्नानंतरही दुसऱ्या तरुणासोबत प्रेमसंबंध होते. पती बाहेरगावी गेल्याने तिने प्रियकराला घरी बोलावलं. काही वेळानंतर अचानक पती आणि सासरचे मंडळी घरी परतले. पळून जाण्याचा मार्ग नसल्याने तरुणाने शक्कल लढवत बेडच्या आतल्या कपाटात म्हणजेच बेड बॉक्समध्ये लपण्याचा निर्णय घेतला. हवा आत जाण्याची जागा असल्याने त्याला श्वास गुदमरला नाही.
सासरच्या मंडळींना घरात काहीतरी संशयास्पद घडत असल्याची चाहूल लागली होती. त्यांनी घरभर शोधाशोध सुरू केली. काही वेळातच सर्वांचं लक्ष बेडकडे गेलं. बेडशीट आणि गादी काढल्यावर त्यांनी बेड बॉक्सचं दार उघडलं आणि आत प्रियकर लपलेला दिसला. त्यानंतर महिलेच्या नवऱ्याने ताबडतोब रागाच्या भरात दांडा उचलून त्याच्यावर तुटून पडला. त्याला ओढत बाहेर काढण्यात आलं आणि चांगलाच चोप देण्यात आला.
हा सर्व प्रकार घरात उपस्थित असलेल्या कुटुंबीयांनी मोबाईलमध्ये टिपला, आणि व्हिडिओ काही तासांतच सोशल मीडियावर व्हायरल झाला. घटनेनंतर पोलिसांत काही तक्रार दाखल झाली की नाही, याबाबत माहिती मिळू शकली नाही.
अशा प्रकारच्या विवाहबाह्य संबंधांमुळे समाजात अनेकदा हिंसक प्रसंग घडताना दिसतात. काही वेळा या संबंधांमुळे जीवितहानी होते, तर कधी आत्महत्येपर्यंत लोक पोहोचतात. ओदिशातील हा प्रकार पुन्हा एकदा दाखवून देतो की, अशा संबंधांचा शेवट नेहमीच धोकादायक ठरतो.
