विशाल शिंदे
पुणे : खानापूर येथील पुणे जिल्हा शिक्षण मंडळाच्या महात्मा गांधी विद्यालयात महाराष्ट्र राज्याचे माजी उपमुख्यमंत्री तथा पुणे जिल्हा शिक्षण मंडळाचे माजी अध्यक्ष स्व. अजितदादा पवार यांच्या जयंतीनिमित्त विविध शैक्षणिक, सांस्कृतिक व पर्यावरणपूरक उपक्रमांचे आयोजन करण्यात आले.
यावेळी चित्रकला प्रदर्शन, रांगोळी प्रदर्शन, हस्तकला प्रदर्शन, वक्तृत्व स्पर्धा तसेच वृक्षारोपण कार्यक्रम उत्साहात पार पडला. कार्यक्रमासाठी मणेरवाडीच्या सरपंच अनिता थोपटे, खडकवासला ग्रामीण राष्ट्रवादी काँग्रेस (अजित पवार)चे अध्यक्ष शशिकांत किवळे, माजी विद्यार्थी संघ सल्लागार समिती सदस्य व वृत्तपत्र लेखक शशिकांत जाधव, उद्योजक तानाजी थोपटे तसेच विद्यालयाचे प्राचार्य शिवराम साबळे हे प्रमुख पाहुणे म्हणून उपस्थित होते.
मान्यवरांच्या हस्ते चित्रकला, रांगोळी व हस्तकला प्रदर्शनाचे उद्घाटन करण्यात आले. तसेच स्व. अजितदादा पवार यांच्या स्मरणार्थ विद्यालय परिसरात वृक्षारोपण करून पर्यावरण संवर्धनाचा संदेश देण्यात आला. यावेळी उपस्थित मान्यवरांनी स्व. अजितदादा पवार यांच्या कार्याचा गौरव करत त्यांना भावपूर्ण अभिवादन केले.
विद्यालयाचे प्राचार्य शिवराम साबळे यांच्या मार्गदर्शनाखाली ज्येष्ठ शिक्षिका ज्योत्स्ना गुरव तसेच भगवान मदने, अपर्णा आढाव, सुजाता भोसले, मीरा कदम, नूतन ओतुरकर, शीतल सुकाळे, रमेश कोळी, मानसी मोरे, विजय सुरवसे, विपुल व्हावळ, सोमनाथ जाधव, पूजा थोरात, भिमाजी हिंगे, सोनाली भापकर, श्वेता मोहिते, प्रियंका जावळकर, अंजना जावळकर, जयश्री जाधव, उज्ज्वला शिंदे, रायबा कुंभार, अशोक जावळकर, प्रकाश रोकडे, संतोष पंडित, रूपाली जावळकर, हनमघर तसेच इतर शिक्षक व शिक्षकेत्तर कर्मचाऱ्यांनी विविध प्रदर्शन व स्पर्धांचे यशस्वी आयोजन केले.
कार्यक्रमात विद्यार्थ्यांनी चित्रकला, रांगोळी, हस्तकला आणि वक्तृत्व स्पर्धांमध्ये उत्स्फूर्त सहभाग नोंदवत आपल्या कलागुणांचे उत्कृष्ट सादरीकरण केले. विविध उपक्रमांमुळे विद्यालय परिसरात उत्साहाचे वातावरण निर्माण झाले.
