Uttar Pradesh Crime: उत्तर प्रदेश: गेल्या अनेक दिवसांपासून अपहरणाच्या अनेक घटना उघडकीस आल्या आहेत. अशातच, उत्तर प्रदेशातील बलिया जिल्ह्यातून एक अत्यंत धक्कादायक घटना समोर आली आहे. एका 21 वर्षीय तरुणाने 17 वर्षाच्या अल्पवयीन मुलीचे अपहरण केल्याची घटना समोर आली आहे. आरोपीने अल्पवयीन मुलीवर मुंबई आणि पुण्यासारख्या शहरात नेऊन अत्याचार केले. या प्रकरणी गुन्हा दाखल होताच आरोपीला तात्काळ अटक करण्यात आले.
हेही वाचा- ‘मोदी अब तेरी कब्र खुदेगी,’ म्हणत पंतप्रधान मोदींबाबत वादग्रस्त घोषणाबाजी; व्हिडीओ तुफान व्हायरल
मिळालेल्या माहितीनुसार, पीडित मुलीच्या वडिलांनी पोलिसांत तक्रार दाखल केली होती. या प्रकरणी पोलिसांनी मुख्य आरोपी बाबूराम याला अटक करण्यात आले. आरोपीने मुलीचे अपहरण 14 नोव्हेंबर 2025 रोजी केले होते. अपहरानंतर त्याने पीडितेला मुंबई आणि त्यानंतर पुणे शहरात नेले आणि तिथे तिच्यावर लैंगिक अत्याचार केला. पीडितेवर आरोपीने अमानुष बलात्कार केला.
चितबडगाव पोलीस ठाण्यात तक्रार दाखल होताच, पोलिसांनी आरोपीचा शोध सुरु केला. तांत्रिक तपासाच्या साहाय्याने आणि गुप्त माहितीच्या आधारे पोलिसांनी अखेर आरोपीचा शोध घेत पीडितेची सुखरुप सुटका केली.
पोलीस चौकशीत पीडितेने आपबीती सांगितली. आरोपी बाबूरामने अनेकदा तिच्यावर लैंगिक छळ केला. मुबंई आणि पुणे शहरात घेऊन गेला. तिथे हॉटेलमध्ये जाऊन तीचा छळ केला. पीडितेवर मानसिक दबाब सुध्दा टाकण्यात आला. पोक्सो कलमाअंतर्गत गुन्हा दाखल करत आरोपीला धर्मापूरजवळून अटक करण्यात आले. या प्रकरणी पोलीस पुढील तपास करत आहे.
