pune news : भोर (पुणे) : पुणे-सातारा महामार्गावर वाहतूक करणाऱ्या ट्रकने अचानक पेट घेतला. यात ट्रकमधील लाखो रुपयांचे इलेक्ट्रॉनिक भंगार ट्रकसह जळून खाक झाले. चालकाच्या प्रसंगावधनाने मोठी जीवितहानी टळली.
मिळालेल्या माहितीनुसार, पुणे-सातारा महामार्गावर जुने लॅपटॉप-काॅम्पुटर इलेक्ट्रॉनिक पार्ट घेऊन निघालेला ट्रक भोर तालुक्यातील निगडे गावच्या हद्दीतुन जात असताना मागील बाजूने अचानक पेट घेतला. ट्रक मागुन पेटल्याची माहिती रस्त्यावरून जाणाऱ्या इतर वाहनचालकांनी ट्रक चालकाला दिल्यावर चालकाने ट्रक एका बाजूला घेतला. तोपर्यंत ट्रकने मोठ्या प्रमाणात पेट घेतला होता. चालक व क्लिनरने प्रसंगावधान राखून ट्रक बाजूला घेऊन ट्रकमधुन त्वरित बाहेर पडल्याने जीवितहानी झाली नाही.
यावेळी घटनेची माहिती मिळताच किकवी पोलीस व महामार्ग पोलिसांनी तातडीने घटनास्थळी धाव घेत भोर अग्निशमन केंद्राचा बंब मागवला. परंतु बंब येईपर्यंत ट्रक साहित्यासह पूर्ण जळून खाक झाले होते. या घटनेत लाखो रुपयांचे नुकसानही झाले.
