पुणे : महाराष्ट्रातील लाखो महिला सध्या ‘मुख्यमंत्री माझी लाडकी बहीण’ योजनेच्या ऑगस्ट महिन्याच्या हप्त्याची आतुरतेने वाट पाहत आहेत. जुलै महिन्याचा 1500 रुपयांचा पहिला हप्ता महिलांच्या खात्यात जमा झाल्यानंतर, आता पुढील हप्ता कधी मिळणार याकडे सर्वांचे लक्ष लागले आहे. सप्टेंबरचा पहिला आठवडा संपला तरी पैसे खात्यात न आल्यामुळे लाभार्थी महिलांमध्ये उत्सुकता वाढली आहे.
गणेशोत्सवाच्या काळात लाडक्या बहिणींना ही आर्थिक मदत देण्याची तयारी सुरू असल्याची माहिती मिळत आहे. सूत्रांनुसार, 16 सप्टेंबरनंतर ऑगस्ट महिन्याचा 1500 रुपयांचा हप्ता टप्प्याटप्प्याने महिलांच्या बँक खात्यात पाठवण्याची प्रक्रिया सुरू होऊ शकते. आगामी मंत्रिमंडळ बैठकीत या निधीला मंजुरी मिळण्याची शक्यता आहे. मात्र, याबाबत राज्य सरकारकडून अद्याप कोणतीही अधिकृत घोषणा झालेली नाही, त्यामुळे ही तारीख संभाव्य मानली जात आहे.
सरकारकडून सर्व पात्र महिलांना डीबीटी प्रणालीद्वारे थेट त्यांच्या बँक खात्यात पैसे पाठवले जातील.राज्यातील सुमारे 1 कोटी 66 लाख पात्र महिलांना या योजनेचा फायदा मिळत आहे.आता या हप्त्याचे पैसे विनाअडथळा खात्यात जमा व्हावेत यासाठी सर्व महिलांनी आपले बँक खाते आधार कार्डशी लिंक आहे की नाही, याची खात्री करावी. तसेच खात्यावर डीबीटी सुविधा सुरू असणे अनिवार्य आहे. खाते आधारशी जोडलेले नसेल तर पैसे जमा होण्यात अडचण येऊ शकते.
आता 16 सप्टेंबरनंतर प्रत्यक्ष पैसे खात्यात कधी जमा होतात, याकडे राज्यातील सर्व लाडक्या बहिणींचे लक्ष लागले आहे
