रायगडमधून शिवसेना ठाकरे गटाचे रायगड लोकसभा मतदारसंघ समन्वयक संजय कदम (Sanjay Kadam) यांच्या कारचा भीषण अपघात (Car Accident) झालाय. या अपघातामध्ये कसल्याही प्रकारची जीवितहानी झालेली नाही. मुंबई कुर्ला मार्गावर प्रवास करताना संजय कदम यांच्या कारला आयशर ट्रकने पाठीमागून जोरदार धडक दिल्याने हा अपघात झालेला आहे.
मुंबई कुर्ला मार्गावर कदम यांच्या कारला आयशरने मागून जोरदार धडक दिली. या धडकेत कारच्या मागच्या बाजूचा चुराडा झालेला आहे. या घटनेची माहिती मिळताच पोलिसांनी घटनास्थळी धाव घेतलीय. यावेळी पोलिसांनी आयशर ट्रक ताब्यात घेतला आहे.
यावेळी पोलिसांनी दिलेल्या माहितीनुसार, रायगड जिल्ह्यातील रोहा मधून संजय कदम प्रचार सभा आटोपून मुंबईला परत जाताना त्यांच्या कारचा भीषण अपघात झाला. गाडीचे मोठ्या प्रमाणात नुकसान झाले आहे.
