पुणे: श्रीदत्तजयंती आणि मार्गशीर्ष पौर्णिमेच्या शुभ दिवशी खगोलप्रेमींना आकाशात एक अद्भुत खगोलीय घटना पाहायला मिळणार आहे. आज रात्री आपल्याला सुपरमूनचे दर्शन होणार आहे.
खगोल अभ्यासकांनी दिलेल्या माहितीनुसार, चंद्र पृथ्वीपासून साधारणपणे 3 लाख 84 हजार किलोमीटर दूर असतो. परंतु, आज रात्री चंद्र केवळ 3 लाख 56 हजार 962 किलोमीटरच्या अंतरावर आल्यामुळे तो खूप जवळ असेल. या निकटतेमुळे चंद्राचा आकार सर्वसाधारणपणे दिसणाऱ्या आकारापेक्षा 14 टक्के अधिक मोठा आणि त्याची चमक 30 टक्के जास्त तेजस्वी दिसेल.
या तेजस्वी ‘सुपरमून’ चे दर्शन आज गुरुवार, 4 डिसेंबर रोजी सायंकाळी 5 वाजून 18 मिनिटांनी होणार आहे. ही खगोलीय घटना रात्रभर पाहायला मिळेल. धार्मिक आणि ज्योतिषीय स्तरावर या घटनेला विशेष महत्त्व आहे. देशातील सर्व नागरिक या दृश्याचा आनंद घेऊ शकतात. यानंतर, पुढचा ‘सुपरमून’ दिसण्यासाठी 24 डिसेंबर 2026 पर्यंत वाट पाहावी लागणार आहे.
