पुणे : दिवंगत उपमुख्यमंत्री अजित पवार यांच्या निधनानंतर राष्ट्रवादी काँग्रेसची धुरा आणि उपमुख्यमंत्रीपदाची जबाबदारी त्यांच्या पत्नी सुनेत्रा पवार यांनी सांभाळली. नुकताच त्यांनी बीड जिल्ह्याचा दौरा केला होता.काँग्रेसने त्यांच्यावर ‘गुंगी गुडिया’ ही टिपणी केली.त्यामुळे राज्यातील राजकीय वातावरण प्रचंड तापले आहे. दरम्यान आता या संपूर्ण प्रकरणावर उपमुख्यमंत्री सुनेत्रा पवार यांनी पलटवार केला आहे.”योग्य वेळ आल्यावर या टीकेला नक्की उत्तर देईन,” असे स्पष्ट शब्दांत बजावले आहे.
राष्ट्रवादी काँग्रेससह शिवसेना आणि भाजपकडून या वक्तव्याचा तीव्र निषेध व्यक्त होत आहे.काँग्रेसला भूतकाळात इंदिरा गांधी यांच्यासाठी वापरल्या गेलेल्या याच शब्दाची आठवण करून देत महायुतीने प्रत्युत्तर दिले. वाढत्या वादानंतर काँग्रेस प्रदेशाध्यक्ष हर्षवर्धन सपकाळ यांनी पत्रकार परिषद घेत स्पष्टीकरण दिले. ‘गुंगी गुडिया’ हा शब्द अपशब्द नसून तो केवळ त्यांच्या मौन राहण्याच्या वर्तनाचा भाग आहे, असा दावा त्यांनी केला आहे ..त्यामुळे आता त्यांच्या राजीनाम्याच्या मागणीने जोर धरला आहे.
शरद पवार यांच्या राष्ट्रवादीचे आमदार रोहित पवार यांनीही काँग्रेसच्या भूमिकेचे समर्थन केले. मात्र, या टीक्यानंतर राष्ट्रवादी काँग्रेसचे कार्यकर्ते अत्यंत आक्रमक झाले. त्यांनी मुंबईतील काँग्रेस कार्यालय ‘गांधी भवन’ येथे घुसून निदर्शनं केली, तसेच पुणे आणि ठाण्यातही निषेध आंदोलने करण्यात आली.
