Speed Bump : उरुळी कांचन, (पुणे) : पुणे-सोलापूर महामार्गावर उरुळी कांचन पोलीस स्टेशनसमोरील चौक सध्या वाहनचालकांसाठी मृत्यूचा सापळा बनला आहे. या ठिकाणी नव्याने बनविण्यात आलेल्या गतिरोधकामुळे जीवघेण्या अपघातांची मालिका सुरूच असून, प्रशासकीय अनास्थेमुळे आजवर अनेक मोठे अपघात झाले आहेत. नशीब बलवत्तर म्हणून आज झालेल्या अपघातात जीवितहानी टळली असली तरी, ‘प्रशासन एखाद्या मोठ्या बळीची वाट पाहत आहे का?’ असा संतप्त सवाल नागरिक विचारत आहेत. Speed Bump
या गतिरोधकावर कोणतेही पांढरे पट्टे ओढलेले नाहीत, तसेच ‘पुढील रस्ता गतिरोधक आहे’ असा कोणताही फलक लावलेला नाही. त्यामुळे या अदृश्य गतीरोधाकामुळे वारंवार अपघात होत आहेत. हा गतिरोधक उतारावर असल्याने वाहने प्रचंड वेगात येतात. अचानक समोर येणाऱ्या या गतिरोधकामुळे चालकांचे नियंत्रण सुटून अपघात घडत आहेत. संध्याकाळच्या वेळी आणि रात्रीच्या अंधारात नवीन वाहनचालकांना तसेच अवजड वाहन चालकांना हे गतिरोधक अजिबात दिसून येत नाहीत. त्यामुळे वाहनचालकांचा वाहनावरील ताबा सुटून महामार्गावरील दुकानांच्या गाड्या घुसल्याच्या घटना ताज्या आहेत. Speed Bump
हा परिसर अत्यंत ‘डेंजर स्पॉट’ झाला असून अपघात रोखण्यासाठी ग्रामपंचायत प्रशासन आणि उरुळी कांचन पोलिसांनी राष्ट्रीय महामार्ग प्राधिकरणाला (NHAI) निवेदन देऊन उपाययोजना करण्याची मागणी नागरिकांन केली आहे. Speed Bump
नागरिकांच्या मागण्या
चौकात अतिरिक्त दिवे लावून तो परिसर अधिक प्रकाशित करावा, जेणेकरून मोठा चौक असल्याचे लांबूनच लक्षात येईल.
महाडिक पेट्रोल पंपापासूनच वेगमर्यादेचे फलक लावण्यात यावेत
साबणे पेट्रोल पंपापासूनच रस्त्यावर पांढऱ्या रंगाचे झेब्रा क्रॉसिंग आणि गतिरोधक पट्टे ओढावेत.
हायवेवर सध्याचा नाममात्र सिग्नल बदलून मोठा आणि अधिक परिणामकारक सिग्नल बसवावा. Speed Bump
याबाबत बोलताना उरुळी कांचन पोलीस ठाण्याचे वरिष्ठ पोलीस निरीक्षक सचिन वांगडे म्हणाले, “राष्ट्रीय महामार्ग प्राधिकरणला (NHAI), शिरूरचे खासदार अमोल कोल्हे, व ग्रामपंचायतीच्या वतीने निवेदन देण्यात आले आहे. त्यानुसार एक टीम सदर ठिकाणी भेट देऊन गेली आहे. त्यानुसार उरुळी कांचन पोलिसांकडून वारंवार यासाठी पाठपुरावा सुरु आहे. Speed Bump
याबाबत बोलताना जिल्हा नियोजन समितीचे सदस्य अलंकार कांचन म्हणाले, “उरुळी कांचन पोलीस स्टेशन समोर असलेल्या गतीरोधकामुळे जीवघेणे अपघाताचे सत्र सुरूच आहे. वारंवार या ठिकाणी अपघात होत असून महामार्गाच्या बाजूला असलेल्या दुकानाचे अपघातामुळे मोठे नुकसान झालेले आहे. या ठिकाणी असलेले अपघात टाळण्यासाठी प्रशासनाने लवकरात लवकर उपाययोजाना कराव्यात. Speed Bump
याबाबत बोलताना पुणे -सोलापूर महामार्गाचे काम पाहणारे ठेकेदार देवकर म्हणाले, ” पाहिले या ठिकाणे पांढरे पट्टे मारले होते. पुसले असतील तर पुन्हा मारून देतो. याबाबत मी राष्ट्रीय महामार्ग प्राधिकरणच्या अधिकाऱ्यांशी चर्चा करतो व तुम्हाला कळवतो.
