Smriti Mandhanna Wedding Called Off: भारतीय महिला क्रिकेट संघाची उपकर्णधार स्मृती मानधना आणि संगीतकार पलाश मुच्छल यांचे लग्न अधिकृतपणे मोडल्याचे दोघांनीही सोशल मीडियावरून जाहीर केले आहे. गेल्या काही आठवड्यांपासून सोशल मीडियावर पसरलेल्या अफवांना यामुळे पूर्णविराम मिळाला आहे. (Smriti Mandhanna And Palash Muchhal Wedding Called Off)
स्मृती आणि पलाश यांचे लग्न सांगलीत मोठ्या थाटामाटात सुरू असताना लग्नाच्या आदल्या रात्री स्मृती मानधनांच्या वडिलांना हृदयविकाराचा तीव्र झटका आला. त्यांच्या प्रकृतीच्या बिघाडामुळे स्मृतीने लग्न पुढे ढकलण्याचा निर्णय घेतला. दुसऱ्या दिवशी पलाश मुच्छलही तणावामुळे रुग्णालयात दाखल झाला. दोन्ही कुटुंबांवर आलेल्या या सलग संकटांमुळे विवाहसोहळा स्थगित झाला होता.
हेही वाचा: पुणे-कोल्हापूर महामार्गासाठी गडकरींची मोठी घोषणा! 6000 कोटींच्या प्रकल्पाला मंजुरी
कथित दुसऱ्या संबंधामुळे लग्न मोडल्याच्या चर्चा
दरम्यान, लग्न पुढे ढकलल्यानंतर स्मृतीने मेहंदी आणि संगीत समारंभातील सर्व फोटो-व्हिडिओ सोशल मीडियावरून हटवले होते. याच काळात दोघांमध्ये वाद झाल्याच्या, तसेच पलाश मुच्छलच्या कथित दुसऱ्या संबंधामुळे लग्न मोडल्याच्या चर्चा सोशल मीडियावर रंगल्या. तथापि, लग्न मोडण्यामागचे कारण स्मृती किंवा पलाश यांनी अधिकृतपणे स्पष्ट केलेले नाही.
Smriti Mandhanna काय म्हणाली?
लग्न रद्द झाल्याची घोषणा करताना स्मृती मानधना म्हणाली, “माझ्या वैयक्तिक आयुष्याबद्दल अनेक अफवा पसरत आहेत. मी खाजगी स्वभावाची आहे, पण आता स्पष्ट सांगते की, लग्न रद्द झाले आहे. कृपया हा विषय इथेच थांबवावा. दोन्ही कुटुंबांची गोपनीयता राखावी आणि आम्हाला परिस्थिती समजून घेण्यासाठी थोडी मोकळीक द्यावी.” असे तिने पोस्ट मध्ये म्हटले आहे.
स्मृतीच्या पोस्टनंतर पलाश मुच्छलनेही सोशल मीडियावर प्रतिक्रिया देत लग्न मोडल्याची पुष्टी केली. या घोषणेनंतर दोघांच्या वैयक्तिक आयुष्याबाबत सुरू असलेल्या चर्चांना पूर्णविराम मिळण्याची अपेक्षा व्यक्त केली आहे.
