पुणे : विद्येचे माहेरघर अशी ओळख असलेल्या पुण्यात गेल्या काही दिवसांपासून महिलांवर आणि मुलींवर होणाऱ्या अत्याचाराच्या घटनेत वाढ होताना दिसत आहे. अशातच आता पुण्यात पत्नीसोबत शरीर संबंध ठेवण्यासाठी मित्रालाच घरी आणल्याचा धक्कादायक प्रकार समोर आला आहे.याप्रकरणी विवाहीत महिलेने पोलिसांना दिलेल्या फिर्यादीवरून पतीसह त्यांच्या मित्रावर विनयभंगाचा गुन्हा दाखल करण्यात आला आहे.
याबाबत अधिक माहिती अशी की, पीडित महिला ही पुण्यातील असून, पती हा सांगलीचा आहे. तोही सध्या पुण्यातच स्थायिक आहे. सांगलीत नवऱ्याच्या घरी राहत असताना पतीमध्ये आणि तिच्यामध्ये वारंवार वाद होत होते. जुलै 2023 मध्ये दोघे एकत्र राहत असताना मूलबाळ होत नसल्याने नराधम पती त्याच्या मित्राला घरी घेऊन आला. तो येथेच राहणार असल्याचं सांगितलं.त्या रात्री तो त्या विवाहीत महिलेकडे वेगळ्या नजरेने पाहत असल्याचं तिने पतीला सांगितल्यानंतर दोघांमध्ये शिवीगाळ झाली. त्यावेळी महिला माहेरी निघून गेली.मात्र पतीच्या त्या मित्राचे महिलेला वारंवार मेसेज येऊ लागले. त्याकडे तिने दुर्लक्ष केले. अखेर पतीच्या मित्राने तक्रारदार महिलेला फोन करून सर्व धक्कादायक प्रकार सांगितला.तो म्हणाला, मूलबाळ होत नसल्याने तुझ्या पतीने मला तुझ्याकडे शरीर संबंधासाठी येण्यासाठी सांगितलं होतं. त्याचबरोबर , तुझ्या पतीचा लैंगिक प्रॉब्लेम असल्याचेही त्याने तिला सांगितलं. त्यानंतर महिलेने पती आणि त्याच्या मित्राविरोधात तक्रार दिली आहे.
दरम्यान हा सर्व प्रकार पतीच्या मित्राने तक्रारदार महिलेला फोन करून सांगितल्यानंतर उघडकीस आल्याचा आरोप फिर्यादीतून केला आहे.
