पुणे : ऑगस्ट महिना कोरडा गेल्यानंतर आणि सप्टेंबरच्या पहिल्या आठवड्यातही पावसाने दांडी मारल्यानंतर आता महाराष्ट्रातील हवामान बदल होत आहे.आता हवामान विभागाने राज्यातील 11 जिल्ह्यांमध्ये ‘यलो अलर्ट’ जारी केला असून विदर्भ आणि इतर काही भागांत वादळी वाऱ्यासह पावसाची शक्यता वर्तवली आहे.
त्यानुसार नागपूर, चंद्रपूर, गडचिरोली, भंडारा, गोंदिया, वर्धा आणि यवतमाळमध्ये 40-50 km/h वेगाने वारे व जोरदार पाऊस पडणार असल्याची शक्यता वर्तवली जात आहे.. अमरावती, अकोला, बुलढाणा व वाशिममध्ये आज अलर्ट जारी करण्यात आलेला नाही.मात्र मराठवाडा, नांदेड, हिंगोली आणि परभणी येथे विजांच्या कडकडाटासह मुसळधार पाऊस पडणार आहे.
. छत्रपती संभाजीनगर, जालना, बीड, लातूर व धाराशिवमध्ये हलका ते मध्यम पाऊस पडण्याची शक्यता वर्तवण्यात आली आहे.नाशिक घाटमाथा भागात वादळी पावसाचा अंदाज तर धुळे, जळगाव आणि नंदुरबारमध्ये ढगाळ हवामानासह हलक्या सरी कोसळ ण्याची शक्यता आहे.
महाराष्ट्रात उद्यापासून ताशी 30-40 km वेगाने वारे वाहून पाऊस वाढण्याची शक्यता आहे .मात्र सोलापूर, सांगली आणि कोल्हापूर परिसरात उकाडा आणि ढगाळ वातावरण असणार आहे . काही ठिकाणीच हलक्या सरींची शक्यता.दीर्घ प्रतीक्षेनंतर सुरू होणाऱ्या या पावसामुळे शेतीकामांना वेग येण्याची आणि नागरिकांना उकाड्यापासून दिलासा मिळण्याची आशा निर्माण झाली आहे. येत्या 2-3 दिवसांत संपूर्ण राज्यात पावसाचा जोर आणखी वाढण्याचा अंदाज वर्तवण्यात आला आहे.
