Pune Solapur Road लोणी काळभोर, ता. २ : पुणे–सोलापूर राष्ट्रीय महामार्गावरील सततच्या वाहतूक कोंडीवर अखेर उपाययोजना सुरू झाली असून नायगाव (कुंजीरवाडी) चौकातील डिव्हायडर बंद करून सोरतापवाडी हद्दीत भारत बेंझ कंपनीसमोर नवीन डिव्हायडर तयार करण्यात आला आहे. त्यामुळे परिसरातील वाहतूक सुरळीत होण्याची अपेक्षा व्यक्त केली जात आहे. Pune Solapur Road
पुणे कृषी उत्पन्न बाजार समितीचे संचालक व हवेली पंचायत समिती सदस्य सुदर्शन चौधरी यांनी ही माहिती दिली. नायगाव चौकातील वाहतूक कोंडीचा प्रश्न मार्गी लावण्यासाठी त्यांनी सातत्याने पाठपुरावा केला होता. मागील काही दिवसांपासून जुन्या डिव्हायडरचे काम थांबवून पर्यायी उपाययोजना म्हणून नवीन ‘पंक्चर पॉइंट’ उभारण्याचे नियोजन करण्यात आले होते. Pune Solapur Road
शनिवारी (ता. २) अखेर या प्रयत्नांना यश मिळाले आणि भारत बेंझ कंपनीसमोर नवीन पंक्चर पॉइंट तयार करण्यात आला. यावेळी पंचायत समिती सदस्य कृषिराज चौधरी, माजी सरपंच पूनम चौधरी, हडपसर वाहतूक विभागाचे पोलीस निरीक्षक राजेंद्र करणकोट तसेच उरुळी कांचन पोलीस ठाण्याचे वरिष्ठ पोलीस निरीक्षक सचिन वांगडे उपस्थित होते. Pune Solapur Road
दरम्यान, पीडब्ल्यूडी, एमएसआरडीसी आणि एनएचआयच्या तांत्रिक प्रक्रियेमुळे कामास काहीसा विलंब झाला होता. या काळात नागरिकांना दररोज २ ते २ किलोमीटरपर्यंत वाहतूक कोंडीचा सामना करावा लागत होता. मात्र आता प्रत्यक्ष कामाला सुरुवात झाल्याने स्थानिकांना मोठा दिलासा मिळणार आहे. नागरिकांच्या अडचणी सोडवण्यासाठी सर्व विभागांच्या समन्वयातून पुढेही प्रयत्न सुरू ठेवणार असल्याचे सुदर्शन चौधरी यांनी स्पष्ट केले.
