पुणे : आज 22 ऑक्टोबर 2026, गुरुवार हा पवित्र दिवस भगवान दत्तगुरूंना समर्पित आहे. पंचांगानुसार आज ग्रहांचा एक दुर्लभ संयोग जुळून आला असून, याचा सर्व 12 राशींच्या आयुष्यावर संमिश्र प्रभाव पडणार आहे. जाणून घेऊया सर्व लोकांसाठी आजचा दिवस कसा राहील.
मेष: आजच्या दिवशी तुम्हाला थोडे जास्त श्रम करावे लागतील. नोकरी असो वा व्यवसाय, कोणतीही गोष्ट सहज साध्य होणार नाही, त्यामुळे मेहनतीची तयारी ठेवा.
वृषभ: काही वेळा नाईिलाजास्तव नको त्या व्यक्तींची मदत घ्यावी लागल्याने मनथोडे चिडचिडू शकते. मात्र, दिवसभरात उत्तम संधीही चालून येतील.
मिथुन: कुटुंबाकडून तुम्हाला मोलाची साथ मिळेल. तुमचा उदार आणि क्षमाशील स्वभाव कठीण प्रसंगांवर सहज मात करण्यास मदत करेल.
कर्क: आर्थिक बाबतीत आजचा दिवस अत्यंत लाभदायक ठरेल. विशेषतः कवी आणि लेखकांसाठी सर्जनशील लेखनासाठी काळ उत्तम आहे.
सिंह: कला क्षेत्राशी जोडलेल्या मंडळींच्या कलागुणांना उत्तम वाव आणि प्रोत्साहन मिळेल. मात्र, अतिभावनाप्रधान राहणे टाळा, अन्यथा त्रास होऊ शकतो.
कन्या: महिला वर्गानी जवळच्या लोकांच्या उत्तम सहकार्याचा लाभ घ्यावा. अतिविचार करण्याला कुठे ना कुठे मर्यादा घालावी, हे आज तुम्हाला जाणवेल.
तूळ: तुम्ही जितके मानसिकदृष्ट्या खंबीर राहाल, तितकीच प्रगती वेगाने होईल. नोकरी किंवा व्यवसायाच्या निमित्ताने परदेशगमनाचे किंवा परदेशी संबंधांचे योग संभवतात.
वृश्चिक: प्रकृती उत्तम राहील. कार्यक्षेत्रात सहकाऱ्यांकडून किंवा हाताखालील कर्मचाऱ्यांकडून गोड बोलून कामे काढून घेतल्यास सर्व कामे सुरळीत पार पडतील.
धनु: वारसाहक्काने मिळणाऱ्या मालमत्तेशी संबंधित रखडलेली कामे पुढे सरकण्याची चिन्हे आहेत. जुनी अडकलेली कामे आता मार्गी लागतील.
मकर: सहकाऱ्यांची उत्तम साथ लाभेल. मात्र, घरातील मुलांना गोष्टी समजून सांगताना आज बरीच ऊर्जा आणि वेळ खर्च करावा लागू शकतो.
कुंभ: महिला वर्गासाठी दिवस उत्साही असणार आहे. तुमच्या अंगभूत कलेची कदर करणारी आणि कौतुक करणारी माणसे आज भेटतील.
मीन: आर्थिक बाजू मजबूत राहील. तुमच्या शांत, सोज्वळ आणि प्रेमळ स्वभावामुळे तुम्ही आज अवघ्या काही वेळातच लोकांची मने जिंकून घ्याल.
