Pune News : ओतूर : (पुणे) : वयोवृद्ध आजोबांच्या बंद घरात शिरून 7 तोळे सोन्याचे दागिने चोरणाऱ्या अट्टल चोराला अटक करण्यात ओतूर पोलिसांना यश आले आहे. धक्कादायक म्हणजे, हा चोर दुसरा तिसरा कोणी नसून आजोबांच्या घराच्या शेजारी राहणाराच तरुण असल्याचे तपासात उघड झाले आहे. अशी माहिती ओतूर पोलीस ठाण्याचे सहायक पोलीस निरीक्षक ज्ञानेश्वर बाजगिरे यांनी दिली. Pune News
अभिषेक खंडु कुटे (वय-32, सध्या रा. टिटवाळा, ठाणे, मूळ रा. नेतवड, जुन्नर) असे अटक करण्यात आलेल्या शेजारील तरुणाचे नाव आहे. त्याच्याकडून घरफोडीतील 7 तोळे सोन्याचे दागिने असा 100 टक्के मुद्देमाल जप्त करण्यात आला आहे. याप्रकरणी तान्हाजी बजाबा कुटे (वय- 56) यांनी ओतूर पोलीस ठाण्यात तक्रार दिली होती. Pune News
ओतूर पोलीस ठाण्याचे सहायक पोलीस निरीक्षक ज्ञानेश्वर बाजगिरे यांनी दिलेल्या माहितीनुसार, नेतवड येथील बजाबा महादु कुटे (वय 95) यांनी आपल्या दिवंगत पत्नीचे सोन्याचे दागिने घराच्या पोटमाळ्यावरील एका पेटीत अत्यंत जिव्हाळ्याने जपून ठेवले होते. 1 ते 7 मे 2026 या कालावधीत अज्ञात चोराने या पेटीचा कडी-कोयंडा तोडून पेटीतील 3 तोळे वजनाचे मणीमंगळसूत्र, अडीच तोळ्यांची 6 सोन्याची पाने व १ पुतळा, अर्धा तोळ्याची नथ आणि 1 तोळा वजनाच्या सोन्याच्या पेट्या असा एकूण 4 लाख 20 हजार रुपये किमतीचा ऐवज चोरून नेला होता. याप्रकरणी बजाबा यांचा मुलगा तान्हाजी कुटे यांनी फिर्याद दिली होती. Pune News
गुन्हा दाखल होताच पोलीस अधिकारी ज्ञानेश्वर बाजगीरे आणि तपास अधिकारी पोलीस उपनिरीक्षक युवराज जाधव यांनी तपासाची चक्रे वेगवान केली. पोलिसांनी तांत्रिक विश्लेषण आणि गोपनीय माहितीच्या आधारे तपास केला असता, फिर्यादी यांच्या घराच्या शेजारी राहणारा याच्या हालचाली संशयास्पद आढळल्या. पोलिसांनी बुधवारी (ता. 13) त्याला ताब्यात घेऊन पोलिसी खाक्या दाखवताच त्याने गुन्ह्याची कबुली दिली. Pune News
ओतूर पोलिसांनी आरोपी अभिषेक कुटे याच्याकडून चोरीला गेलेले 7 तोळे वजनाचे सर्वच्या सर्व सोन्याचे दागिने हस्तगत केले आहेत. आपल्या पत्नीच्या आठवणींचे दागिने सुखरूप परत मिळाल्याने 95 वर्षांच्या बजाबा आजोबांनी आणि त्यांच्या कुटुंबीयांनी पोलिसांचे आभार मानत समाधान व्यक्त केले. ओतूर पोलिसांच्या या उल्लेखनीय कामगिरीचे जुन्नर तालुक्यातून कौतुक होत आहे. Pune News
सदरची यशस्वी कारवाई वरिष्ठांच्या मार्गदर्शनाखाली पोलीस उपनिरीक्षक युवराज जाधव, पोलीस हवालदार नरेंद्र गोराणे, बाळशिराम भवारी, पोलीस कॉन्स्टेबल विशाल गोडसे, आशिष जगताप आणि योगेश उकिर्डे यांच्या पथकाने केली आहे. Pune News
कोट :
“नागरिकांनी आपल्या घरातील मौल्यवान दागिने आणि रोख रक्कम सुरक्षित ठिकाणी ठेवावी. तसेच, गावातील सुरक्षितता वाढवण्यासाठी आणि गुन्हेगारांवर वचक ठेवण्यासाठी ग्रामपंचायतींनी गावातील मुख्य चौक आणि संवेदनशील ठिकाणी जास्तीत जास्त सीसीसीटीव्ही (CCTV) कॅमेरे बसवावेत.” Pune News
ज्ञानेश्वर बाजगीरे (सहायक पोलीस निरीक्षक, ओतूर पोलीस स्टेशन)
