Pune News: पुणे शहरातून एक संतापजनक घटना समोर येत आहे. वैद्यकीय निष्काळजीपणामुळे एका महिलेचा दुदैवी मृत्यू झाला आहे. या घटनेनंतर पतीच्या तक्रारीवरून डॉक्टरवर गुन्हा दाखल करण्यात आला होता. Pune News
मिळालेल्या माहितीनुसार, सिझेरियन प्रसूती करत असताना महिलेच्या पोटात टॉवेल राहिले होते. यामुळे महिलेची प्रकृती गंभीर झाली होती. या निष्काळजीपणामुळे महिला मागील तीन वर्ष कोम्यात होती. तीन वर्षानंतर अखेर महिलेचा मृत्यू झाला. या घटनेनंतर तिच्या मृत महिलेच्या पतीने 14 वर्ष न्यायासाठी लढा चालू ठेवला. या प्रकरणातून राज्य ग्राहक आयोगाने वैद्यकीय निष्काळजीपणाला जबाबदार धरत डॉक्टरविरोधात निर्णय देण्यात आला. महिलेच्या पतीला नुकसान भरपाई म्हणून 26 लाख 50 हजार रुपये देण्याचे आदेश दिले.
नेमकी घटना काय?
पुण्यातील पाषाण येथील प्रशांत कुकडे यांनी सूस रोडवरील एका खासगी रुग्णालयात आपल्या पत्नी रुपालीला दाखल केले. प्रसुतीदरम्यानच्या वेदना जोरात सुरु होत्या त्यावेळी डॉक्टरांनी ऑपरेशन करायचे ठरवले. ही घटना 8 ऑगस्ट 2008 रोजी घडली. सिझेरियन ऑपरेशन पूर्ण झाल्यानंतर टाके घेताना डॉक्टरांच्या लक्षात आले की, ऑपरेशन दरम्यान वापरलेला टॉवेल पोटातच राहिला आहे. त्यामुळे टाके परत उघडून टॉवेल काढण्यात आला परंतू रुपाली यांची ऑपरेशनवेळी प्रकृती गंभीर झाली त्यांना ह्रदयविकाराचा झटका आला. तातडीने पुण्यातील दुसऱ्या रुग्णालयात दाखल करण्यात आले. काही दिवस उपचार सुरु असताना त्यांच्या मेंदूला सूज आली त्यामुळे त्या कोमात गेल्या.
तब्बल तीन वर्षानंतर त्यांचा मृत्यू झाला. या घटनेनंतर त्यांच्या कुटुंबावर दुखाचा डोंगर कोसळला. या प्रकरणी त्यांच्या पतीने 2008 साली तक्रार दाखल केली. या तक्रारीचा अखेर 17 वर्षानंतर निर्णय जाहीर झाला. आयोगाचे अध्यक्षीय सदस्य मिलिंद सोनवणे आणि सदस्य नागेश कुंबरे यांच्या खंडपीठाने हा निकाल दिला.
