पुणे (Pune News) : कत्तलीसाठी जनावरांची विक्री केल्या प्रकरणी चार जणांवर गुन्हा दाखल करण्यात आला आहे. त्यातील एकाला पोलिसांनी अटक केली आहे. ही घटना रविवारी (दि. 31) दिघी ते खडक या दरम्यान घडली.
परवेज बिलाल कुरेशी (वय 21, रा. हडपसर, पुणे) असे अटक केलेल्या आरोपीचे नाव असून त्याच्यासह तबरेज बिलाल कुरेशी (वय 18, रा. हडपसर), सूर्या (रा. चौफुला, पुणे) आणि राहुल (रा. चौफुला पुणे) यांच्या विरोधात गुन्हा दाखल करण्यात आला आहे.याबाबत पोलीस अंमलदार हेमंत गाढवे यांनी दिघी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, राहुल आणि सूर्या या दोघांनी पाच जनावरे आरोपी परवेज याला कत्तलीसाठी विकली. त्यानंतर परवेज याने तबरेज याला ती जनावरे पुढे विकली. हा व्यवहार झाल्यानंतर आरोपींनी जनावरांची निर्दयतेने वाहतूक केली. तसेच त्यांच्या चारा पाण्याची कुठलीही सोय न करता मार्केट यार्ड येथे कत्तलीसाठी विक्री करण्यासाठी नेली. याबाबत पोलिसांनी कारवाई केली असता आरोपींकडे एक कोयता आढळून आला असल्याचे फिर्यादीत म्हटले आहे. दिघी पोलीस याबाबत आधिक तपास करीत आहेत.
