पुणे: आगामी पुणे महापालिका (Pune News) निवडणुकांचे बिगुल लवकरच (Devendra Fadanavis) वाजण्याची शक्यता असून, त्याआधी सत्ताधारी भाजपकडून जोरदार हालचाली सुरू झाल्या आहेत. आचारसंहिता लागू होण्याच्या आधीच विकासकामांचा धडाका उडवण्याचे नियोजन करण्यात आले आहे. पुणे शहरात तब्बल 3000 कोटी रुपयांच्या विकास प्रकल्पांचे लोकार्पण आणि भूमिपूजन एकाच दिवशी करण्यात येणार असून, उद्या सोमवारी मुख्यमंत्री देवेंद्र फडणवीस यांच्या हस्ते हा कार्यक्रम पार पडणार आहे. (Breaking News)
पुण्यात 60 हून अधिक प्रकल्पांचे लोकार्पण
नागपूर येथे सुरू असलेले हिवाळी अधिवेशन संपल्यानंतर महापालिका निवडणुकांची घोषणा होण्याची दाट शक्यता आहे. आचारसंहिता लागू झाल्यानंतर कोणत्याही प्रकारचे उद्घाटन किंवा नवीन कामांची घोषणा करता येत नाही. त्यामुळे ही संधी हातातून जाऊ नये म्हणून भाजपकडून सोमवारी गणेश कला क्रीडा मंच येथे भव्य कार्यक्रम आयोजित करण्यात आला आहे. या कार्यक्रमाच्या माध्यमातून शहरातील 60 हून अधिक प्रकल्पांचे लोकार्पण आणि भूमिपूजन करण्यात येणार आहे. (Marathi News)
पायाभूत सुविधांवर भर
या कार्यक्रमात पुणे शहराच्या पायाभूत सुविधा मजबूत करणाऱ्या अनेक मोठ्या प्रकल्पांचा समावेश आहे. शहराच्या सांडपाणी व्यवस्थापनासाठी 842 कोटी रुपयांचा मोठा प्रकल्प, समान पाणीपुरवठा योजनेअंतर्गत 450 कोटींच्या 20 नवीन पाण्याच्या टाक्या आणि वितरण व्यवस्था, तसेच पुणेकरांच्या सुरक्षेसाठी 53 कोटींचे अत्याधुनिक इंटिग्रेटेड कमांड अँड कंट्रोल सेंटर यांचा समावेश आहे. आरोग्य सेवेला बळकटी देण्यासाठी वैद्यकीय महाविद्यालयाच्या दोन नवीन विंग्ससाठी 130 कोटी रुपये खर्च केले जाणार आहेत.
वाहतुकीसाठी उपाययोजना
याशिवाय सायकलस्वारांसाठी 145 कोटींचा जागतिक दर्जाचा सायकल ट्रॅक, खराडी, बाणेर आणि चांदणी चौक येथे 25 कोटींची तीन नवीन अग्निशमन केंद्रे, नगर रस्ता क्षेत्रीय कार्यालयाची नवीन इमारत आणि इतर सांडपाणी प्रकल्पही या यादीत आहेत. वाहतूक कोंडी कमी करण्यासाठी विद्यापीठ चौक आणि बिंदू माधव चौक येथील उड्डाणपूल व ग्रेड सेपरेटरसाठी 150 कोटी रुपये खर्च करण्यात येणार आहेत.
पुणेकरांना दिलासा
अमृत-2 योजनेअंतर्गत वडगाव येथील नवीन जलशुद्धीकरण केंद्रासाठी 200 कोटी, शेवाळवाडी पाणीपुरवठा योजनेसाठी 35 कोटी आणि केशवनगर-मुंढवा भागातील पाणीपुरवठा जाळ्यासाठी 27 कोटी असे एकूण 413 कोटींचे नवे प्रकल्पही यावेळी मार्गी लावले जाणार आहेत. या मोठ्या कार्यक्रमाकडे राजकीय वर्तुळाचे आणि पुणेकरांचे लक्ष लागले आहे.
