Pune News | पुणे : पुणे शहरात लुटमारीच्या घटनांमध्ये मोठी वाढ झालेली दिसून येत आहे. शहरातील अनेक भागातून लुटमारीच्या घटना समोर येत आहेत. अशीच एक घटना पुन्हा एकदा घडली आहे. शहरातील महर्षीनगर भागात भरवर्दळीत दुचाकीस्वाराच्या डोळ्यात मिर्चची पुड टाकून कोयत्याने वार करत लुटमार केल्याची धक्कादायक घटना घडली आहे. सायंकाळी सहाच्या सुमारास हा प्रकार घडला.
तीन अज्ञात व्यक्तींवर गुन्हा दाखल
याप्रकरणी स्वारगेट पोलीस ठाण्यात एका 39 वर्षीय नागरिकाने तक्रार दाखल केली आहे. त्यावरून तीन अज्ञात व्यक्तींवर गुन्हा दाखल करण्यात आला आहे.
मिळालेल्या माहितीवरून, पुण्यातील महर्षीनगर परिसरात राहणारे तक्रारदार हे सायंकाळी सहाच्या सुमारास आपल्या दुचाकीने घराकडे जात होते. यावेळी ते सीटी इंटरनॅशनल शाळेजवळ आल्यावर त्यांच्या पाठीमागून तीन अज्ञात दुचाकीवरून आले व त्यांची दुचाकी अडवली. त्यानंतर या अज्ञातांनी त्यांच्याजवळीत मिर्चीची पुड दुचाकीस्वाराच्या डोळ्यात टाकली व त्यांच्यावर कोयत्याने वार केले. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा….!
Pune News : पुण्यातील व्यावसायिकाला बनावट ईमेलवर विश्वास ठेवणे पडले महागात
