पुणे: पुणे महानगरपालिका (Pune Elections) निवडणुका जवळ येत असताना (Pune Politics) भाजपने स्वबळावर लढण्याचा निर्णय जवळपास निश्चित केला असून (BJP) पक्षाने जोरदार मोर्चेबांधणी सुरू केली आहे. उमेदवारी (Murlidhar Mohol) अर्ज मागवणे, इच्छुकांची छाननी, स्थानिक संघटनांशी संवाद या सर्व प्रक्रियांना आता गती मिळाली आहे. दरम्यान, एक महत्त्वाची राजकीय घडामोड समोर आली आहे. यंदाच्या पुणे (Pune News) महानगरपालिका निवडणुका केंद्रीय राज्यमंत्री मुरलीधर मोहोळ यांच्या नेतृत्वाखाली लढवल्या जाणार आहेत. नागपुरात झालेल्या बैठकीनंतर या निर्णयावर शिक्कामोर्तब झाले असल्याची माहिती मिळत आहे. (Breaking News)
गेल्या चार वर्षांपासून रखडलेल्या महापालिका निवडणुका डिसेंबर–जानेवारीत होण्याची शक्यता स्पष्ट झाली असून, त्यानुसार भाजपने तयारी अधिक आक्रमकपणे सुरू केली आहे. राज्यातील सत्ताधारी दल म्हणून भाजप या निवडणुकीत स्वबळावर उतरू इच्छित आहे. 2017 च्या निवडणुकीत भाजपने 97 नगरसेवक निवडून देत पुणे महापालिकेत एकहाती सत्ता काबीज केली होती. त्या काळात माजी मंत्री गिरीश बापट हे पुण्यातील भाजपचे प्रमुख मार्गदर्शक होते. महापौर पद भूषवताना मुरलीधर मोहोळ हे महत्त्वाचे निर्णय घेत होते, मात्र अंतिम निर्णय बापट यांच्याकडेच असायचा.
मात्र लोकसभा निवडणुकीनंतर पुण्यातील भाजपची अंतर्गत समीकरणे बदलू लागली. मोहोळ यांना खासदार आणि केंद्रीय राज्यमंत्री पद मिळाल्यानंतर त्यांचा प्रभाव आणि संपर्कक्षेत्र मोठ्या प्रमाणात वाढला. केंद्रीय नेतृत्वाशी असलेला जवळचा संवाद लक्षात घेता पुण्यातील राजकीय सूत्रे आता मोहोळ यांच्या हातात येऊ लागल्याची चर्चा राजकीय क्षेत्रात जोरात आहे.
याच पार्श्वभूमीवर नागपुरात मुख्यमंत्री देवेंद्र फडणवीस, मंत्री चंद्रकांत पाटील आणि केंद्रीय राज्यमंत्री मुरलीधर मोहोळ यांच्या उपस्थितीत पुणे महापालिका निवडणुकीसंदर्भात महत्त्वाची बैठक झाली. या बैठकीत पुण्यातील निवडणुकीचे नेतृत्व मोहोळ यांच्याकडे सोपवण्याचा निर्णय अंतिम करण्यात आला आहे.
हेही वाचा : आधार कार्डवर बनवलेले सर्व दाखले रद्द होणार? महसूल विभागाचा मोठा निर्णय, वाचा सविस्तर…
भाजपच्या या निर्णयामुळे पुण्यातील निवडणूक राजकारणात नवे समीकरण निर्माण झाले असून, पक्षाची निवडणूक रणनिती मोहोळ यांच्या प्रतिमेभोवती आणि त्यांच्या नेतृत्वाभोवती आकार घेताना दिसत आहे. आगामी आठवड्यांत भाजपकडून अधिकृत उमेदवार निवड आणि प्रचाराची रणनीती जाहीर होण्याची शक्यता आहे.
