पुणे: पुणे जिल्ह्यातील मावळ (Pune Crime) तालुक्यात पाच वर्षीय अल्पवयीन (Pune News) चिमुकलीवर बलात्कार करून तिची निर्घृण (Maval News) हत्या केल्याची अत्यंत (Pimpri-Chinchwad News) संतापजनक घटना उघडकीस आली आहे. या घटनेमुळे संपूर्ण मावळ परिसरात मोठी खळबळ उडाली आहे. पिंपरी-चिंचवड पोलिसांनी या प्रकरणी तातडीने तपास करत 30 ते 35 वयोगटातील विवाहित आरोपी मंडले याला अटक केली आहे. (Breaking News)
घटनेबाबत मिळालेल्या माहितीनुसार, काल शनिवारी सायंकाळी 6 वाजण्याच्या सुमारास ही चिमुकली घरातून बेपत्ता झाली. मुलीचे वडील कामानिमित्त पुण्यात गेले होते, तर आई जवळच्या कंपनीत काम करते. रात्री उशिरा आई कामावरून घरी परतल्यानंतर मुलगी घरी नसल्याचे तिच्या लक्षात आले. याच परिस्थितीचा फायदा घेत आरोपीने चिमुकलीला घराजवळच काही मीटर अंतरावर नेले. तिथे तिच्यावर बलात्कार करून गळा दाबून तिची निर्घृण हत्या केली, अशी माहिती पोलीस सूत्रांनी दिली आहे. रात्री दीडच्या सुमारास या प्रकरणी शिरगाव पोलीस ठाण्यात तक्रार दाखल करण्यात आली होती. (Marathi News)
आज सकाळी हा धक्कादायक प्रकार उघडकीस आल्यानंतर पिंपरी-चिंचवड पोलिसांनी तातडीने तपास सुरू केला आणि आरोपीला ताब्यात घेतले. चौकशीदरम्यान त्याने गुन्ह्याची कबुली दिली. आरोपी मंडले हा पश्चिम बंगालचा रहिवासी असून, चिमुकलीचे कुटुंब झारखंडचे आहे. दोन्ही कुटुंबे रोजगारासाठी मावळ परिसरात वास्तव्यास होती. या घटनेनंतर परिसरात तीव्र संतापाचे वातावरण निर्माण झाले आहे. पोलिसांनी आरोपीवर कठोर कारवाई केली असून पुढील तपास सुरू आहे.
