पुणे: विमाननगरमधील पियानो अकादमीत प्रशिक्षण (Pune Crime) घेण्यासाठी गेलेल्या एका (Pune News) अल्पवयीन मुलासोबत सफाई कर्मचाऱ्यानेच अश्लील कृत्य केल्याचा आणि त्याची लैंगिक छळवणूक केल्याचा धक्कादायक प्रकार समोर आला आहे. या घटनेनंतर घाबरलेल्या मुलाच्या आईने विमानतळ पोलीस ठाण्यात फिर्याद दाखल केली आहे. (Breaking News)

पोलिसांनी दिलेल्या माहितीनुसार, हा सर्व प्रकार 8 डिसेंबर 2025 रोजी सायंकाळी साडेपाच ते साडेसहा वाजण्याच्या सुमारास घडला. पीडित मुलगा विमाननगर येथील पियानो अकादमीमध्ये प्रशिक्षणासाठी जात होता. 8 डिसेंबरला क्लास नसतानाही हा मुलगा केवळ सराव (प्रॅक्टिस) करण्यासाठी अकादमीत गेला होता.

याच दरम्यान, अकादमीत सफाईचे काम करणाऱ्या अनिल नावाच्या कर्मचाऱ्याने मुलाशी अश्लील कृत्य केले. त्याने मुलाची लैंगिक छळवणूक करून गैरवर्तन केले. या अनपेक्षित घटनेमुळे मुलगा खूप घाबरला. घरी परतल्यानंतर त्याने लगेच या संपूर्ण प्रकरणाची माहिती आपल्या आईला दिली. मुलाच्या आईने तातडीने विमानतळ पोलीस ठाण्यात धाव घेऊन आरोपी अनिल याच्या विरोधात फिर्याद दिली आहे. पोलिसांनी याप्रकरणी गुन्हा दाखल केला असून, सहायक पोलीस निरीक्षक करपे पुढील तपास करत आहेत.







