Pune Crime: पिंपरी चिंचवड शहरात गेल्या अनेक दिवसांपासून घरफोडीची घटना वाढल्या आहेत. अशातच शहरातील घरफोड्यांच्या वाढत्या घटनांवर मोठी कारवाई करत पिंपरी-चिंचवड पोलिसांनी (Pune Police) 3 कुख्यात हिस्ट्रीशीटर आरोपींना अटक केली आहे. पोलिसांच्या माहितीनुसार, या तिघांवर महाराष्ट्रामध्ये 60 पेक्षा अधिक घरफोड्यांमध्ये सहभागी असल्याचा संशय आहे. या कारवाईमुळे पिंपरी-चिंचवड पोलिस आयुक्तालयात दाखल झालेल्या 2 गुन्ह्यांची उकल झाली आहे. (Pune Crime)
रविवारी रात्री क्राईम ब्रॅच युनिट -1 चे अधिकारी गस्त घालत असताना, पीएसआय शिवानंद स्वामी आणि कॉन्स्टेबल देवा राऊत यांना त्यांच्या सूत्रांकडून माहिती मिळाली की, निघडी प्रधिकरण परिसरात एक व्यक्ती संशयास्पदरीत्या फिरत आहे. तात्काळ सापळा रचून आरोपी धनजंय काले याला पकडण्यात आले.
पोलीस तपासात उघड झाले की काळे हा व्यावसायिक ऑटो रिक्षाचालक असला तरी घरफोड्यांमध्ये त्याचा मोठा सहभाग आहे. पुढील चौकशीत उर्वरित दोघांनाही अटक करण्यात आली. गुन्हे शाखा युनिट 1 ने त्यांनी धनंजय हरीश काळे (29, पिंपळे गुरव), चंद्रकांत अनंता माने (रा. अजंठा नगर) आणि सुनील मल्हारी तलवारे (रा. काळेवाडी) यांना अटक केली आहे.
